Համացանցի հասանելիություն չի՞ պահանջվի. Ինչպես կաշխատի ԱԲ-ն iPhone-ում

16 ապրիլի, 2024  10:17

iPhone-ներում արհեստական բանականության հիմնական գործառույթները կակտիվացվեն լոկալ: Սա նշանակում է, որ մուտք դեպի համացանց կամ ամպային սերվերներ պարտադիր չի լինի: Այս մասին հաղորդում է հայտնի ինսայդեր Մարկ Գուրմանը:

Ինչպես նշում է Bloomberg-ը, այս մոտեցումը կապահովի արհեստական ​​բանականության հետ ավելի գաղտնի փոխազդեցություն, քանի որ բոլոր տվյալները կպահվեն լոկալ սարքում: Բայց հնարավոր է, որ iPhone-ներում հայտնվեն նաեւ ԱԲ-ի նոր առաջադեմ հնարավորություններ, որոնք արդեն կպահանջեն միացում արտաքին սերվերի հետ տեղեկատվության մշակման համար։

ԱԲ-ի նոր գործառույթները, ըստ աղբյուրի, հիմնված կլինեն Google Gemini-ի կամ այլ գործիքների հնարավորությունների վրա։ Բացի այդ, ԱԲ-ի աջակցությունը հետագայում կընդլայնվի ընկերության այլ սարքերի վրա:

Նշենք, որ Apple սարքերը արդեն ստանում են որոշ ԱԲ գործառույթներ iOS 17 օպերացիոն համակարգի միջոցով: Լրացուցիչ տեղեկություններ գեներատիվ ԱԲ-ի հետ կապված առաջիկա գործառույթների մասին կարող են բացահայտվել առաջիկա Համաշխարհային մշակողների համաժողովում (WWDC), որը տեղի կունենա հունիսի 10-ին:


 
  • Ամենաընթերցվածը
 
 
 
 
  • Արխիվ