iPhone SE 4-ի զանգվածային արտադրությունը կսկսվի այս հոկտեմբերին, վաճառքը՝ 2025-ին

Չորրորդ սերնդի iPhone SE-ի մասին մոտ երկու տարի շարունակվող լուրերից հետո The Information-ը հայտնել է, որ Apple-ի մատակարարները վերջապես ծրագրում են սկսել սարքի զանգվածային արտադրությունն այս տարվա այս հոկտեմբերին:

Ենթադրվում է, ընկերությունը սեպտեմբերին կայանալիք շնորհանդեսին iPhone 16 շարքի հետ միասին չի հայտարարի հաջորդ iPhone SE-ի մասին, ինչպես նախապես սպասվում էր։ Փոխարենը հաղորդվում է, որ սարքը կարող է թողարկվել մինչև չինական լուսնային Նոր տարին՝ 2025-ի հունվարին։

Այնուամենայնիվ, գոյություն ունեցող բոլոր երեք iPhone SE մոդելների մասին հայտարարվել է մարտին, ուստի 2025-ի մարտին դրանց թողարկումը նույնպես միանգամայն հնարավոր է թվում, նշում է աղբյուրը:

Չորրորդ սերնդի iPhone SE-ն կունենա 6,1 դյույմանոց OLED էկրան, Face ID, գործողության կոճակ և USB-C միակցիչ: Ակնկալվում է, որ սարքը նման կլինի բազային iPhone 14-ին, թեև նախկինում ասվում էր, որ այն կունենա միայն մեկ հետևի տեսախցիկ և կարող է օգտագործվել հետևի վահանակի արտադրության նույն գործընթացը, ինչ iPhone 16-ի դեպքում:

Ավելի վաղ հայտնի էր դարձել, որ նոր սերնդի iPhone SE սմարթֆոնը կաշխատի Apple-ի վերջին A18 պրոցեսորով, որը թույլ կտա Apple Intelligence արհեստական բանականությունն ինտեգրել նույնիսկ Apple-ի բյուջետային սարքերին։ Աղբյուրի համաձայն՝ նույն A18 չիպը կօգտագործվի iPhone 16 շարքի բոլոր սմարթֆոններում, ներառյալ բազային մոդելներում։ Նաև հնարավոր է, որ iPhone SE 4-ն ունենա 6 կամ 8 ԳԲ օպերատիվ հիշողություն։