Անսպասելի փոփոխություններ iOS 17-ում. iPhone-ի «Հեռախոսի» դիզայնը երկար տարիների ընթացքում առաջին անգամ կփոխվի (ֆոտո)

iOS 17 օպերացիոն համակարգի նոր տարբերակում սպասվում են ոչ միայն ֆունկցիոնալության բարելավումներ, այլեւ դիզայնի որոշ փոփոխություններ։ Ամենամեծ թարմացումներից մեկը կլինի «Հեռախոս» հավելվածում զանգի ավարտի կոճակի տեղակայման փոփոխությունը, հայտնում է CNBC-ն:

Երկար ժամանակ զանգի ավարտի կոճակը գտնվում էր էկրանի ներքևի մասի կենտրոնում, եւ շատ օգտատերեր սովոր են այդ տեղսակայմանը։ Սակայն iOS 17-ի նոր տարբերակում Apple-ը որոշել է այս կոճակը տեղափոխել էկրանի ստորին աջ անկյուն։ Այս փոփոխությունը նախատեսված է հավելվածի ֆունկցիոնալ տարրերի օգտագործումն ավելի հարմար և էրգոնոմիկ դարձնելու համար։

Մի շարք այլ կոճակների տեղակայումը նույնպես կվերանայվի: Որոշ կոճակներ, ինչպիսիք են զանգը բարձրախոսին փոխանցելու, խոսափողը միացնելու կամ խոսակցությանը մասնակիցներ ավելացնելու համար նախատեսված կոճակները, նույնպես կտեղափոխվեն ներքև՝ տարրերի տրամաբանական և հարմար հիերարխիա ապահովելու համար:

Բազմաթիվ օգտատերերին, հավանաբար, ժամանակ կպահանջվի կոճակների նոր դասավորությանը հարմարվելու համար: Դրանց տեղակայման փոփոխությունը կարող է որոշակի տարակուսանք առաջացնել նրանց համար, ովքեր երկար ժամանակ օգտագործել են հավելվածը ինտուիտիվ մակարդակով: Այնուամենայնիվ, Apple-ը վստահ է, որ նոր դասավորությունը կլինի ավելի հարմարավետ:

Հիշեցնենք, որ iOS 17-ը ներկայացվել է WWDC 2023 կոնֆերանսին, որը տեղի է ունեցել հունիսի սկզբին։ Օպերացիոն համակարգը ներկայումս գտնվում է բետա թեստավորման փուլում և նախատեսվում է թողարկել սեպտեմբերին: