Վաշինգտոնում երկու տղամարդ թալանել են Alderwood Mall առևտրի կենտրոնում գտնվող Apple Store-ը և գողացել 436 հատ iPhone՝ մոտ 500,000 ընդհանուր դոլար արժողությամբ:

Ինչպես տեղեկացնում է Macrumors.com-ը, տղամարդիկ կողոպուտին ստեղծագործաբար են մոտեցել․ նրանք խանութ են մտել դրա կողքին գտնվող Seattle Coffee Gear սրճարանի միջոցով։ Տղամարդիկ սրճարանի զուգարանի պատին անցք են բացել, որով էլ մտել են Apple Store-ի հետնասենյակ՝ շրջանցելով Apple Store անվտանգության համակարգը։

apple-store-robbed

Չարագործներն այդ ամենն արել են գիշերը, երբ խանութում աշխատակիցներ չեն եղել։ Վերոնշյալ 436 սմարթֆոնները գողացել են խանութի հետնասենյակից՝ պատճառելով մոտ 500,000 դոլարի վնաս։

Seattle Coffee Gear-ի մենեջեր Էրիկ Մարքսն ասել է, որ իր մտքով անգամ չէր անցնում, որ որ իրենց սրճարանի զուգարանից կարելի է մտնել Apple Store։ Սրճարանից կողոպտիչները ոչինչ չեն գողացել, սակայն կողպեքների փոխարինումն ու պատի վերանորոգումը կարժենա 1500 դոլար։

Ոստիկանությունը դեռ հետաքննում է դեպքը։ Կողոպտիչները դեռ չեն հայտնաբերվել։