Նախընտրելի
«Երիտասարդ գիտնականների աջակցության ծրագիր»-ը հայտարարում է «Գիտնականների միջև հաղորդակցման խթանմանն ուղղված միջոցառումների իրականացման մրցույթ», տեղեկացնում է ՀՀ ԳԱԱ գիտության հանրայնացման և հասարակայնության հետ կապերի բաժինը։
Մրցույթի նպատակն է նպաստել գիտնականների միջև կապերի և հաղորդակցման (networking) ընդլայնմանը, հաղորդակցման միջավայրի ստեղծմանը, միջգիտակարգային աշխատանքների քանակի մեծացմանը և գիտական համայնքի ամրապնդմանը։
Նախագծերը պետք է իրականացնել 12 ամսվա ընթացքում։ Հայտերի ընդունման վերջնաժամկետն է 2023-ի նոյեմբերի 15-ը։ Ֆինանսավորման առավելագույն չափը 2 միլիոն ՀՀ դրամ է։
Մրցույթի շրջանակում նախատեսվում է ֆինանսավորում տրամադրել նախագծերին, որոնցով նախատեսվում է՝
- կազմակերպել հանդիպումներ՝ նախատեսված գիտահետազոտական աշխատանք կատարող գիտնականների համար (առանց տարիքային սահմանափակման)
- հանդիպումների օրակարգը պետք է առնչվի գիտությանը կամ ՀՀ-ում գիտության զարգացմանը
- հանդիպումների ընթացքում անհրաժեշտ է ապահովել գիտնականների հաղորդակցմանը նպաստող միջավայր
- հանդիպումները պետք է լինեն պարբերաբար՝ նախագծի իրականացման ժամանակահատվածում։
Մրցույթի հայտ կարող են ներկայացնել ՀՀ-ում գիտական կամ գիտատեխնիկական գործունեություն իրականացնող կազմակերպությունների, հետազոտական հասարակական կազմակերպությունների, հիմնադրամների ներկայացուցիչները կամ առանձին մասնագետներ, մասնագետներից բաղկացած խմբեր և կազմակերպությունների ներկայացուցիչներ, որոնք կարող են նախաձեռնել հաղորդակցման հարթակի ստեղծումն ու կազմակերպումը։
Մրցույթի հայտատուն, իսկ խմբի դեպքում նաև անդամները պետք է լինեն ՀՀ քաղաքացիներ կամ ՀՀ-ում մշտապես բնակվողներ։
Մրցույթի մանրամասները՝ այստեղ։
Մրցույթի հայտը՝ այստեղ։
