HMD Global-ը, որին պատկանում է Nokia ապրանքանիշը, ներկայացրել է խորհրդանշական Nokia 3210-ի թարմացված տարբերակը, որը ժամանակին եղել է աշխարհի ամենահայտնի հեռախոսներից մեկը:
Ինչպես նշում է GSMArena-ն, Nokia 3210-ի նոր տարբերակը պահպանել է բնօրինակի եզակի, հեշտությամբ ճանաչելի դիզայնը, բայց միևնույն ժամանակ ստացել է ավելի ժամանակակից գործառույթներ։ Հեռախոսն այժմ ունի 4G ցանցի աջակցություն, վառ 2,4 դյույմանոց գունավոր LCD էկրան և Unisoc T107 պրոցեսոր։ Օպերատիվ հիշողությունը 64 ՄԲ է, իսկ ներքին ֆլեշ հիշողությունը՝ 128 ՄԲ, սակայն այն կարելի է ընդլայնել մինչև 32 ԳԲ՝ օգտագործելով microSD քարտ:
Հեռախոսի հետևի մասում տեղադրված է 2 ՄՊ տեսախցիկ՝ ներկառուցված լապտերով, որը անհրաժեշտության դեպքում նաև որպես լույս է ծառայում տեսախցիկի համար։ Հեռախոսն ունի նաև Bluetooth 5.0-ի աջակցություն, MP3 նվագարկիչ և FM ռադիո։
Nokia 3210-ի նոր տարբերակը հնարավորություն է տալիս նաև միանալ Nokia ամպային ծառայություններին, որտեղ հասանելի են վերջին նորությունները, եղանակի տեսությունը և YouTube Shorts ծառայությունը։ Այս հեռախոսով նաև հնարավոր կլինի վայելել Snake պաշտամունքային բջջային խաղը: Սարքն աշխատում է S30+ օպերացիոն համակարգով:
Nokia 3210-ի նոր տարբերակը հասանելի է երեք դասական գույնով՝ կապույտ, ոսկեգույն և սև: Գինը կախված կլինի վաճառքի տարածաշրջանից։ Օրինակ՝ Եվրոպայում այն կկազմի 80 եվրո։
ամիս
շաբաթ
օր