Android 15-ը մի քանի ժամով կավելացնի սմարթֆոնների մարտկոցի աշխատանքի տևողությունը

Android 15 օպերացիոն համակարգը սարքերի մարտկոցի աշխատանքի տևողությունը սպասման ռեժիմում մեկ լիցքավորմամբ կավելացնի մոտ երեք լրացուցիչ ժամով, այս մասին Google-ը հայտարարել է I/O 2024 մշակողների համաժողովի ժամանակ։

Այս բարելավումը ձեռք է բերվել հեռախոսների էներգախնայողության ռեժիմի անցնելու արագությունը 50%-ով ավելացնելու շնորհիվ, հայտնում է Android Authority-ն՝ վկայակոչելով Google-ի Android պլատֆորմի մշակման փոխնախագահ Դեյվ Բերկին։

Բարելավումը չի սահմանափակվի միայն սմարթֆոններով: Բոլոր սարքերը, որոնք կստանան Android 15 թարմացում, կկարողանան օգտվել այս հնարավորությունից:

Android 15-ի թարմացումը կներառի մի շարք նոր հնարավորություններ, ինչպիսիք են Personal Space-ը, App Pairs-ը և գողության հայտնաբերման բարելավված ծառայությունը՝ Theft Detection-ը: Այս գործառույթներն ավելի լայն օպտիմիզացիայի մաս են կազմում, որն ուղղված է Google-ի օպերացիոն համակարգով աշխատող սարքերի օգտագործումը բարելավելուն:

Բացի դրանից՝ կորպորացիան նախատեսում է մեծացնել WearOS 5-ով աշխատող կրելի էլեկտրոնիկայի ինքնավար աշխատանքի տևողությունը: Օրինակ՝ երկար ժամանակով վազելու դեպքում Wear OS 5-ով սարքերի մարտկոցի էներգիան 20%-ով ավելի դանդաղ կսպառվի:

Ընդհանուր առմամբ, Android 15 թարմացումը և WearOS 5-ը խոստանում են զգալիորեն բարելավել սարքերի աշխատանքը և օգտագործումը: Օպերացիոն համակարգերի թողարկումը սպասվում է 2024-ի աշնանը։