Ամերիկյան Amazon ընկերությունն սկսել է Astro for Business անունով ռոբոտ պահակի վաճառքը։ Այս մասին հայտնում է The Verge պարբերականը։
Astro for Business-ը պլանշետով և տեսախցիկներով զինված մեծ անիվների վրա շարժվող ռոբոտ է։ Այն որոշ նմանություններ ունի Pixar-ի համանուն մուլտֆիլմի Wall-E ռոբոտի հետ։
Amazon-ի նոր արտադրանքը շարժվում է ինքնուրույն կամ հեռակառավարման վահանակի միջոցով: Այն նաև ունի պերիսկոպիկ HD տեսախցիկ՝ գիշերային տեսանելիությամբ և առաջարկում է իրական ժամանակում տեսադաշտի հասանելիություն 24/7 ռեժիմով։
Amazon-ն առաջարկում է Astro for Business-ն օգտագործել գրասենյակային կամ պահեստային, ինչպես նաև դրանց հարակից տարածքները տեսահսկելու համար: Անծանոթ մարդկանց, ինչպես նաև կասկածելի ձայներ կամ այլ գործողություններ հայտնաբերելիս, ռոբոտն այդ մասին զգուշացնում է անվտանգության աշխատակիցներին։
Astro for Business-ն արդեն վաճառքում է և արժե 2350 դոլար:
ամիս
շաբաթ
օր