Միլիարդատեր, գործարար և Twitter-ի սեփականատեր Իլոն Մասկը սոցցանցում պատմել է, որ Meta-ի ղեկավար Մարկ Ցուկերբերգի հետ մենամարտին պատրաստվում է՝ «Վարդագույն հովազ» ֆիլմի և անիմեի հնարքները կիրառելով։
«Մենմարտին պատրաստվելու համար ես օգտագործում եմ հանրահայտ տեսուչ Կլուզոյի («Վարդագույն հովազ»-ի գլխավոր հերոսը) տեխնիկան և Կատոյին (Կլուզոյի ծառան և մարտարվեստի վարպետ) կստիպեմ հարձակվել պատահական պահերի»,- Twitter-ում գրել է Մասկը։
Նշենք, որ «Վարդագույն հովազ»-ում Կատոյին հրահանգում են անսպասելիորեն հարձակվել Կլուզոյի վրա, որպեսզի վերջինս պահպանի տեսուչի մարտական հմտություններն ու զգոնությունը։
Իլոն Մասկը հավելել է, որ կկիրառի նաև ճապոնական One-Punch Man անիմեի հնարքները։
Հիշեցնենք, որ հունիսի 22-ին Ցուկերբերգը համաձայնել էր մենամարտել Մասկի հետ, որը նրան մարտահրավեր էր նետել, երբ համացանցում տեղեկություններ հայտնվեցին, որ Meta-ն մտադիր է գործարկել նոր հավելված, որը կմրցակցի Twitter-ի հետ: Գործարարները համաձայնել էին մենամարտել Լաս Վեգասում։ Սակայն Tesla-ի և SpaceX-ի սեփականատիրոջ մայրը՝ Մեյ Մասկը, ավելի ուշ հայտարարեց, որ չեղարկել է որդու մենամարտը Ցուկերբերգի հետ:
Ավելի վաղ Tesla-ի գործադիր տնօրենն ուսումնամարզական հանդիպում էր անցկացրել ջիու-ջիցուի սև գոտու դափնեկիր Լեքս Ֆրիդմանի հետ։
Նաև հաղորդվել էր, որ Մասկի հետ մենամարտից առաջ մարզվելու համար Ցուկերբերգն իր հերթին վարձել էր UFC-ի չեմպիոններ Ադեսանյային և Վոլկանովսկուն։
ամիս
շաբաթ
օր