Valve-ը հրապարակել է Steam-ում ամենաշատ վաճառվող խաղերի և սարքերի վարկանիշը 2025 թվականի փետրվարի 4-ից փետրվարի 11-ն ընկած ժամանակահատվածում։

Թոփ 10 ամենավաճառվող խաղերը Steam-ում.

  1. Kingdom Come: Deliverance II – ցուցակը գլխավորել է ինչպես վճարովի, այնպես էլ անվճար խաղերի շարքում
  2. Civilization VII – վճարովի խաղերի մեջ զբաղեցրել է երկրորդ տեղը
  3. Monster Hunter: Wilds – սպասված ռելիզը նախատեսված է փետրվարի 28-ին
  4. Steam Deck – Valve-ի շարժական կոնսոլը շարունակում է մնալ ամենավաճառվողներից մեկը
  5. Helldivers 2
  6. Red Dead Redemption 2 – մնում է ամենապոպուլյար խաղերից մեկը թողարկումից տարիներ անց
  7. Rust
  8. NBA 2K25
  9. Hogwarts Legacy
  10. Path of Exile 2

Kingdom Come: Deliverance II

Kingdom Come: Deliverance II-ը չեխական Warhorse Studios ստուդիայի կուլտային action/RPG-ի շարունակությունն է: Նախագիծը թողարկվել է 2025 թվականի փետրվարի 4-ին և արդեն դարձել է հիթ՝ միաժամանակ խաղացող օգտատերերի թվով հայտնվելով Steam-ի լավագույն 50 խաղերի ցանկում:

Խաղը հասանելի է PC-ում, PlayStation 5-ում և Xbox Series X/S-ում, և դրա սյուժեն շարունակում է առաջին մասի պատմությունը՝ խաղացողներին առաջարկելով խորը դերային համակարգ և իրատեսական միջնադարյան աշխարհ: