Blue Origin ընկերությունը տիեզերք է ուղարկել իր երկրորդ բազմակի օգտագործման պարկուճը: Առաջինը 2015-ից ի վեր կատարել է 26 թռիչք՝ տիեզերքի հետ սահման հասցնելով 43 մարդու։ Երկրորդ պարկուճի գործարկումը կավելացնի արձակումների քանակը և տիեզերքի սահման այցելող զբոսաշրջիկների հոսքը։

NS-27 առաքելությունը եղել է անօդաչու: Նոր պարկուճը, որը կոչվում է RSS Kármán Line, 12 օգտակար բեռ է (7-ը՝ ներսում, 5-ը՝ հրթիռի վրա) հասցրել Կարմանի գիծ, որից այն կողմ սկսվում է տիեզերքը:

Առաջին փուլի New Shepard հրթիռը (այն մեկանգամյա օգտագործման է) ստացել է մի շարք բարելավումներ, այդ թվում՝ բարելավված խցիկներ՝ դրանցում օգտակար բեռներ տեղադրելու համար։ Բացի զբոսաշրջիկներին սուր զգացողություններով ապահովելուց՝ այս թռիչքները հնարավորություն են տալիս փորձարկել օդատիեզերական արդյունաբերության սարքավորումները:

Պարկուճի արձակումը տեղի է ունեցել հոկտեմբերի 23-ին երկու հետաձգումից հետո։ Հրթիռը բարձրացել է Blue Origin-ի՝ Արևմտյան Տեխասի արձակման հարթակից տեղի ժամանակով 08:27-ին: Առաջին փուլի հրթիռը պարկուճից անջատվել է թռիչքից մոտ չորս րոպե անց, և ինքնակառավարվող պարկուճը պարաշյուտով Երկիր է վերադարձել մոտ վեց րոպե անց: Ընկերությունը չի հայտնում, թե ինչ արժե 10 րոպե թռիչքը մինչև մոտ 100 կմ բարձրություն։ Մրցակից Virgin Galactic-ը մեկ տոմսի արժեքը սահմանել է 600,000 դոլար։

Կարմանի գիծ առաքված բեռը ներառում է նոր նավիգացիոն համակարգեր New Shepard և New Glenn հրթիռների համար, երկու տարբեր lidar սենսորներ Lunar Permanence ծրագրի համար, մոտեցման գերլայնաշերտ սենսորներ, որոնք ստեղծվել են ՆԱՍԱ-ի TechFlights ծրագրի և առևտրային բեռների համար։