Ո՞ր սմարթֆոնն է նկարում ամենալավ ֆոտոներն ու վիդեոները

Լուսանկարներ և տեսանյութեր անելու լավագույն սմարթֆոնը, ինչպե պարզվում է, iPhone-ը չէ: DxOMark-ի մասնագետները փորձարկել են Honor Magic6 Pro-ի տեսախցիկը 180 Մպ պերիսկոպով և այն անվանել են լավագույն տեսախցիկով հեռախոսը։ Այժմ այս սմարթֆոնը գլխավորում է միանգամից երկու վարկանիշ՝ լավագույն տեսախցիկներով սարքերի գլոբալ վարկանիշը և լավագույն տեսախցիկներով պրեմիում սմարթֆոնների վարկանիշը:

Honor Magic6 Pro-ն համալրված է 50 ՄՊ հիմնական սենսորով, 24 մմ ոսպնյակով և կարգավորելի դիաֆրագմայով f/1.4-ից մինչև f/2.0: Առկա է նաև 50MP գերլայնանկյուն սենսոր և 180MP պերիսկոպի հեռաֆոտո ոսպնյակ:

Հրատարակության փորձագետների կարծիքով՝ Honor Magic6 Pro-ն հիանալի արդյունքներ է ցույց տալիս տարբեր նկարահանման պայմաններում, հատկապես նկատելի է փոփոխական դիաֆրագման, որն ապահովում է դաշտի ավելի մեծ խորություն f/2.0-ում՝ խմբային լուսանկարներում բոլոր մասնակիցների հստակ ֆոկուս ապահովելով:

Սմարթֆոնը նաև ռեկորդներ է սահմանել DxOMark-ում ֆոնի մշուշման որակի, բնական գույների վերարտադրության և գերլայնանկյուն մոդուլով արված նկարների որակի համար:

Չնայած որոշ թերություններին (մասնավորապես, ոչ միշտ բնական դետալներին և բարդ տեսարաններում առկա արտեֆակտներին), Honor Magic6 Pro-ն զբաղեցրել է առաջին տեղը DxOMark-ի ընդհանուր վարկանիշում և պրեմիում սմարթֆոնների անվանակարգում՝ թեստավորման արդյունքում հավաքելով 158 միավոր: Նրան հաջորդում են Huawei Mate 60 Pro+-ը և Oppo Find X7 Ultra-ը՝ 157-ական միավորով։

Apple iPhone 15 Pro Max-ն այս վարկանիշում զբաղեցնում է ընդամենը 5-րդ տեղը՝ 154 միավորով։ Սմարթֆոնը կիսում է այս տեղը ավելի էժան Apple iPhone 15 Pro-ի հետ։

Նշենք նաև, որ Google Pixel 7 Pro-ն 147 միավորով զբաղեցրել է 13-րդ հորիզոնականը, իսկ Samsung Galaxy S24 Ultra-ն 144 միավորով 18-րդ տեղում է։ Այս ցուցակի 20-րդ տեղը զբաղեցնում է արդեն երկու տարեկան iPhone 13 Pro Max-ը, որը հավաքել է 141 միավոր։