Tesla-ի Optimus ռոբոտի հնարավորություններն ընդլայնվում են․ այն արդեն շապիկ է ծալում սեղանի վրա (տեսանյութ)

16 հունվարի, 2024  12:11

Tesla ընկերության արտադրության Optimus մարդանման ռոբոտը նորանոր հնարավորություններ է ստանում. այժմ այն սովորել է շապիկ ծալել, ինչպես ցույց է տրված Իլոն Մասկի հրապարակած 30 վայրկյան տևողությամբ տեսանյութում:

Տեսանյութում ռոբոտի կատարած գործողությունները սովորական են մարդու համար, սակայն ռոբոտի համար դրանք բավականին բարդ են։ Optimus-ը սեղանի վրա դրված զամբյուղից վերնաշապիկ է վերցնում, դնում սեղանի վրա, մի փոքր հարթեցնում այն և ծալում փոքր ուղղանկյունի չափով։

Մարդանման ռոբոտի այս բոլոր շարժումներն իրականում մանրակրկիտ մտածված և նախապես ծրագրված գործողություններ են։ Հետևաբար, դրանք ցույց են տալիս ոչ թե ռոբոտի արհեստական բանականությունը, այլ հոդերի և վերջույթների ֆունկցիոնալությունը. ըստ մասնագետների՝ ձեռքերը ռոբոտների ամենաբարդ մասերից են, քանի որ դրանք պետք է բավականաչափ ամուր լինեն՝ զգալի ծանրության բեռին դիմանալու համար, և միևնույն ժամանակ բավականաչափ ճշգրիտ՝ փխրուն առարկաների հետ խնամքով վարվելու համար։

Մասկը վստահ է, որ ապագայում ռոբոտն «անպայման կկարողանա լիովին ինքնուրույն կատարել այս և այլ առաջադրանքները», առանց այս ցուցադրության համար սահմանված արհեստական ​​ խիստ սահմանափակումների, որոնք ներառում են ֆիքսված բարձրությամբ գրասեղան և ընդամենը մեկ շապիկ զամբյուղում։ Միևնույն ժամանակ, եթե զամբյուղը տեղափոխվեր ավելի հեռու, կամ սեղանը ավելի բարձր կամ ցածր լիներ, ռոբոտը չէր կարողանա կողմնորոշվել և կատարել աշխատանքը այնպես, ինչպես հարկավոր է:

Սկզբում Tesla-ն պատրաստվում է օգտագործել մարդանման Optimus-ը Տեխասի իր ձեռնարկությունում. ակնկալվում է, որ ռոբոտները կօգնեն հավաքել էլեկտրական մեքենաներ կամ գոնե փոքր բեռներ տեղափոխել: Սակայն ընկերության ղեկավարությունը հույս ունի, որ ժամանակի ընթացքում այսպիսի ռոբոտները կդառնան հուսալի օգնականներ կենցաղում։

Տպել   |  In English  |  На русском

 
  • Ամենաընթերցվածը

ամիս

շաբաթ

օր

 
 
  • Կարդացեք նաև
 
 
  • Արխիվ