Huami ընկերությունը, որը հայտնի է Xiaomi-ի համար իր խելացի Band ապարանջանների մշակմամբ, ներկայացրել է բոլորովին նոր արտադրանք իր Amazfit ապրանքանիշի ներքո, որը կոչվում է Helio Ring:
Սա խելացի մատանի է, որն ընդհանուր կարողություններով նման է խելացի ապարանջանին, բայց պատրաստված է այլ ձևով: Նման ապրանքները շուկայում նորություն չեն, բայց, նախ՝ դրանք դեռ շատ քիչ են, և երկրորդ՝ մեծ մասն արտադրվում է քիչ հայտնի կամ բոլորովին անհայտ ընկերությունների կողմից։
Amazfit Helio Ring-ը հագեցած է սրտի զարկերը չափող սենսորով, կարող է հետևել ֆիզիկական ակտիվությանը, քնին, մարզումներին, ինչպես նաև հագեցած է էլեկտրոդերմալ ակտիվության սենսորով և կարող է որոշել սթրեսի մակարդակը:
Մատանին պատրաստված է տիտանի համաձուլվածքից։ Այն անջրանցիկ է (10 ատմոսֆեր) և հասանելի է երկու չափերով՝ 10 և 12 մմ։ Մեկ լիցքավորմամբ խելացի մատանին կարող է աշխատել հինգ օր:
Գնի և թողարկման ժամկետի մասին դեռ տեղեկություններ չկան։
ամիս
շաբաթ
օր