Telegram-ում հայտնվել է TON Space կրիպտոարժույթի դրամապանակ. ո՞ւմ այն հասանելի կլինի

Telegram մեսենջերում հայտնվել է հանրահայտ The Open Network տեխնոլոգիայի վրա հիմնված TON Space կրիպտոարժույթի դրամապանակ։ Այս ինտեգրումը Telegram-ի մոտ 800 միլիոն օգտատիրոջ թույլ կտա մոտ ապագայում օգտագործել կրիպտոարժույթի դրամապանակ, որը հեշտությամբ կարելի է կարգավորել հավելվածում։

Բաց ցանցը, որը մշակել է Telegram-ի թիմը, ինչպես կարելի է կռահել անունից, համակարգչային ապակենտրոնացված ցանց է: Այսօր TON Space-ը հասանելի է Telegram Wallet-ի օգտատերերին, իսկ նոյեմբերից այս գործառույթը հասանելի կլինի Telegram-ի բոլոր օգտատերերին ամբողջ աշխարհում: Այնուամենայնիվ, հարկ է նշել, որ ԱՄՆ-ում և որոշ այլ երկրներում, որտեղ կան իրավական սահմանափակումներ, այս գործառույթը կարող է հասանելի չլինել:

Հիշեցնենք, որ Telegram-ը երկու տարվա ակտիվ աշխատանքից հետո դադարեցրել էր TON բլոկչեյնի զարգացումը։ Պատճառներից մեկը ԱՄՆ արժեթղթերի և բորսաների հանձնաժողովի հայցն էր: Իշխանությունները կարծում էին, որ Gram կրիպտոարժույթի մետաղադրամների նախնական տեղաբաշխումը, որն իրականացրել է Telegram-ը, արժեթղթերի էլեմենտներ է պարունակում: Արդյունքում Telegram-ը ստիպված եղավ բոլոր միջոցները վերադարձնել ներդրողներին և 18,5 մլն դոլար տուգանք վճարել։ Դրանից հետո TON բլոկչեյնը դարձավ բաց կոդով նախագիծ, որի աջակցությամբ զբաղվում է էնտուզիաստների համայնքը։

Այս տարվա հուլիսին Wallet Pay ծառայությունը Telegram-ում ավելացրել է կրիպտոարժույթով վճարումներ ընդունելու հնարավորություն։ Օգտագործողները կարող են օգտագործել բիթքոյն և USDT ստեյբլքոյն մեսենջերի բոտերի միջոցով գործարքներ իրականացնելու համար: Այս քայլն ընդգծում է Telegram-ի հանձնառությունը՝ զարգացնելու կրիպտոարժութային տեխնոլոգիաները և իր օգտատերերին ֆինանսական գործարքների նոր հնարավորություններ ապահովելու համար:

Հիշեցնենք, որ Microsoft-ը նախատեսում է Ethereum կրիպտոարժույթի դրամապանակն ինտեգրել Edge բրաուզերում։