Աշխարհի 5 ամենահայտնի կին ճարտարապետներն ու նրանց աշխատանքը (լուսանկարներ)

Որոշ կին ճարտարապետներ հայտնի են ոչ միայն խորհրդանշական, ճանաչելի շենքեր ստեղծելով, այլ նաև նրանով, որ ազդել են ճարտարապետության զարգացման և ուրբանիզմի, կայուն զարգացման և մշակույթի մեջ նրա ունեցած դերի վրա:

Ձեր ուշադրությանն ենք ներկայացնում հինգ ամենահայտնի կին ճարտարապետներին, որոնք ճանաչվել են ճարտարապետության մեջ իրենց նորարարական ներդրման համար։

1. Զահա Հադիդ (1950–2016)

Զահա Հադիդը հայտնի է նրանով, որ առաջին կինն է, որն արժանացել է Պրիցկերի ճարտարապետական մրցանակին (2004)։ Այն ճարտարապետության աշխարհում ամենահեղինակավոր մրցանակն է, որի տրամադրման չափանիշներից մեկը մասնագետի աշխատանքի նորարարական բնույթն է։

Հադիդի համարձակ, ֆուտուրիստական ​​ձևավորումները հաճախ ցուցադրում էին լայնածավալ կորեր և սահուն գծեր՝ վերափոխելով քաղաքային տեսարաններն ամբողջ աշխարհում:

Խորհրդանշական գործեր.

Լոնդոնի ջրային սպորտաձևերի կենտրոն

Գուանչժոու օպերային թատրոն

2. Կազույո Սեձիմա (ծնվ. 1956 թ.)

Կայուզո Սեձիման հայտնի է նրանով, որ համահիմնադիրն է SANAA ճապոնական ճարտարապետական ​​ընկերության, որը բազմաթիվ մինիմալիստական ​​և վառ նախագծեր է իրականացրել։

Սեձիման իր գործընկեր Ռյու Նիշիզավայի հետ 2010-ին արժանացել է Պրիցկերի մրցանակին իրենց մինիմալիստական, մաքուր և հաճախ թափանցիկ կոնստրուկցիաների համար:

Խորհրդանշական գործեր․

Լուվր-Լենս թանգարան, Ֆրանսիա

Նոր թանգարան Նյու Յորքում

21-րդ դարի ժամանակակից արվեստի թանգարան Կանաձավայում, Ճապոնիա

3. Դենիզ Սքոթ Բրաուն (ծնվ. 1931 թ.)

Դենիզ Սքոթ Բրաունը հայտնի է ճարտարապետական ​​տեսության և քաղաքաշինության մեջ իր ներդրումով, ինչպես նաև Learning from Las Vegas-ի համահեղինակն է:

Խորհրդանշական գործեր․

Լոնդոնի Ազգային պատկերասրահի Sainsbury Wing-ը, նախագծել է գործընկեր Ռոբերտ Վենտուրիի հետ։

4. Ժաննա Գան (ծնվ. 1964 թ.)

Ժաննա Գանը հայտնի է ճարտարապետության նկատմամբ իր նորարարական մոտեցմամբ։ Նրա աշխատանքը համատեղում է ֆունկցիոնալությունն ու համարձակ լուծումները կայուն զարգացման, էկոլոգիապես մաքուր լինելու և շրջակա միջավայրի նկատմամբ հարգանքի հետ:

Խորհրդանշական աշխատանքներ․

Aqua Tower-ը Չիկագոյում

Vista Tower-ը, որը ներկայումս աշխարհում կնոջ կողմից նախագծված ամենաբարձր շենքն է։

5. Էլիզաբեթ Դիլլեր (ծնվ. 1954 թ.)

Էլիզաբեթ Դիլլերը հայտնի է որպես Diller Scofidio + Renfro-ի համահիմնադիր, որն ընդլայնել է ճարտարապետության սահմանները նորարարական մշակութային նախագծերով: Դիլլերը հայտնի է նրանով, որ միախառնում է ճարտարապետությունը, արվեստը և ուրբանիզմը:

Խորհրդանշական աշխատանքներ․

Հայ Լայն այգին Նյու Յորքում

Լինքոլն կենտրոնի վերակառուցում

Բրոդ թանգարանը Լոս Անջելեսում