Նախընտրելի
Ռուսական խոշորագույն առցանց առևտրի հարթակ Wildberries-ը և Ecoplatform-ը համագործակցության ընդլայնման մասին համաձայնագիր են կնքել, որի շրջանակում Wildberries-ի հաճախորդները զեղչեր, բոնուսներ կստանան հագուստ նվիրաբերելու դիմաց։
Սույն համագործակցության շրջանակում Wildberries-ի բաշխիչ կետերում կտեղադրվեն «Սա պարզապես իր չէ» գրությամբ 10,000 արկղեր, որտեղ էլ կհավաքեն հագուստ, որը մարդկանց այլևս հարկավոր չէ։
Համաձայնագիրը ստորագրվել է Սանկտ Պետերբուրգի միջազգային տնտեսական համաժողովի շրջանակում։ Ծրագիրը նախատեսված է երեք տարվա համար և կընդգրկի բաշխիչ կետերը խոշոր քաղաքներում, մարզային և վարչական կենտրոններում:
Արկղերում հագուստ թողնող հաճախորդները հասանելիություն կստանան մոտիվացիոն համակարգին. նվիրաբերված ապրանքների դիմաց նրանք Ecoplatform հավելվածում կստանան բոնուսներ, որոնք կարող են օգտագործվել գործընկեր ընկերություններից հատուկ առաջարկներ ստանալու համար, որոնք ենթադրում են շուկայական զեղչեր, կրթական դասընթացների գնում և կոմունալ ծառայությունների վճարում։
Բացի դրանից՝ օգտատերերը կարող են նվիրատվություններ կատարել բարեգործական կազմակերպություններին։ Նվիրաբերված յուրաքանչյուր կիլոգրամ հագուստի համար օգտատիրոջ հաշվին մուտքագրվում է 250 միավոր:
