3 լավագույն սմարթֆոններ, որոնց գինը $110-ից ցածր է

Եթե ​​ձեզ անհրաժեշտ է հուսալի սմարթֆոն զանգերի և ոչ այնքան բարդ առաջադրանքների համար, ապա իմաստ չունի գնել առաջատար սարքեր և մեծ գումար վճարել դրանց համար: 110 դոլարից պակաս գնով կարելի է գնել բավականին լավ Android սարք, որը կկատարի այն առաջադրանքները, որոնք սովորական օգտատերերի մեծ մասն ակնկալում է սմարթֆոնից։

Realme C51

Առաջին հերթին ուշադրության է արժանի Realme C51-ը։ Սմարթֆոնն արագ է աշխատում և ունի երկու SIM քարտի աջակցություն: Այն նաև ստացել է 33 Վտ արագ լիցքավորում և NFC՝ անհպում վճարման համար։ Ինչ վերաբերում է թերություններին, ապա դրա վրա տեղադրված տեսախցիկները բավականին միջին հնարավորություններ ունեն, մարտկոցը բավականին թույլ է, իսկ օպերատիվ հիշողությունը՝ ընդամենը 4 ԳԲ։

Redmi 12C

Մեկ այլ էժան հեռախոս, որ արժե հաշվի առնել, Xiaomi-ի Redmi 12C-ն է: Այն ևս ունի երկու SIM քարտի աջակցություն, NFC, մատնահետքի սկաներ և դեմքի ապակողպման գործառույթ: Ինչ վերաբերում է սարքի թերություններին, ապա առաջինը ընդամենը 3 ԳԲ օպերատիվ հիշողությունն է և դանդաղ լիցքավորումը արդեն հնացած Micro-USB միակցիչի միջոցով։

Samsung Galaxy A04

Մեկ այլ հետաքրքիր էժան սմարթֆոն է Samsung Galaxy A04-ը, որն ունի բարձր պայծառությամբ PLS մատրիցա, կոմպակտ չափեր և լավ տեսախցիկ իր սեգմենտի համար: Սակայն հեռախոսի ապարատային մասը բավականին թույլ է, իսկ օպերատիվ հիշողությունը՝ ընդամենը 3 ԳԲ, ինչը, իհարկե, մեծապես սահմանափակում է սարքի աշխատանքը: Բացի դրանից՝ որոշ օգտատերեր դժգոհում են, որ սմարթֆոնի փայլուն կորպուսը արագ քերծվում է, սակայն այս խնդիրը կարելի է լուծել պաշտպանիչ պատյանով։