Samsung-ը որոշել է ցուցադրել Galaxy S24 Ultra սմարթֆոնի տեսախցիկի հնարավորությունները և ջրածնով լցված փուչիկների միջոցով սմարթֆոնը բարձրաձրել է ավելի քան 35 կմ, որտեղից այն տասնյակ լուսանկարներ է արել։
Այս բարձրությունը դեռ չի համարվում տիեզերք, այն իրականում Երկրի ստրատոսֆերան է և հիանալի բարձրություն է Երկիրը լուսանկարելու համար:
Սմարթֆոնները տեղադրվել են ածխածնային մանրաթելից պատրաստված վանդականման թեթև կառուցվածքի մեջ և փուչիկների միջոցով երկինք են բարձրացվել են Հարավային Կալիֆոռնիայից, Լաս Վեգասից, Սիերա Նևադա լեռնաշղթայից և Մեծ կիրճից, որպեսզի արևմտյան ԱՄՆ-ի տարբեր լանդշաֆտների լուսանկարներ անեն։
Մի քանի օրվա ընթացքում Galaxy S24 Ultra սմարթֆոններն ավելի քան 150 լուսանկար են արել տարբեր ֆոկուսային հեռավորություններում, քանի որ S24 Ultra-ն ունի գերլայնակնյուն և օպտիկական խոշորացմամբ ոսպնյակներ: Թեև Galaxy S24-ի տեսախցիկները քննադատության են ենթարկվել իրենց հետմշակման փուլի աշխատանքի համար, Samsung-ի արած պատկերները բավականին տպավորիչ են:
Galaxy S24 Ultra-ն թողարկվել է այս տարվա հունվարին՝ S24 շարքի շրջանակում: Այն համարվում է շարքի ամենաթանկ և հզոր տարբերակը՝ 200MP հիմնական տեսախցիկի սենսորով և խոշորացման օգտակար հնարավորություններով:
ամիս
շաբաթ
օր