Ներկայացվել է Armor 23 Ultra-ն՝ արբանյակային կապով առաջին ամուր սմարթֆոնը

Ulefone ընկերությունը ներկայացրել է Armor 23 Ultra նոր ամուր սմարթֆոնը՝ արբանյակային կապի աջակցությամբ: Այսօր արբանյակային կապի հասանելիությամբ սմարթֆոնները քիչ են, և բոլորն էլ այս կամ այն ​​կերպ պատկանում են բարձրակարգ, թանկարժեք լուծումներին։ Ի տարբերություն դրանց, նոր Armor 23 Ultra-ն արժե ընդամենը 530 դոլար:

Իհարկե, սմարթֆոնը չի կարելի անվանել ֆլագման, սակայն դրա բնութագրերը բավականին հետաքրքիր են։ Նախ՝ այն ունի երկկողմանի արբանյակային կապի աջակցութուն, որը հասանելի չէ շատ ավելի թանկ մոդելներում: Երկրորդ՝ սարքը պատկանում է պաշտպանված կատեգորիային։ Առկա տեղեկությունների համաձայն՝ սա այս դասի առաջին սմարթֆոնն է՝ արբանյակային կապով։

Ինչ վերաբերում է մյուս պարամետրերին, ապա սմարթֆոնն ստացել է SoC Dimensity 8020 պրոցեսոր, 12 ԳԲ օպերատիվ և 512 ԳԲ ներկառուցված հիշողություն։ Նոր արտադրանքի էկրանը 120 Հց Full HD+ է՝ 6,78 դյույմ անկյունագծով։ Մարտկոցն ունի 5280 մԱ/ժ հզորություն՝ 120 Վտ լարային և 50 Վտ անլար լիցքավորմամբ։

Ուշադրության են արժանի նաև 64 ՄՊ գիշերային, 50 ՄՊ հիմնական և նույն կետայնությամբ գերլայնանկյուն տեսախցիկները։ Սմարթֆոնը կշռում է 322 գրամ, սակայն մեծ, պաշտպանված սարքի համար սա բավականին նորմալ քաշ է։