Boston Dynamics ընկերությունը ցուցադրել է իր մարդանման ռոբոտի՝ Atlas-ի նոր հնարավորությունը․ այժմ ռոբոտն ավտոմեքենայի ամորտիզատորները վերցնում է մի տեղից և վերադասավորում դարակում: Հնարավոր է, որ նա շուտով դադարի լինել միայն հետազոտական ծրագիր և արդեն աշխատանքի անցնի արտադրությունում։
Ավտոմոբիլային արտադրությունը հարմար է ռոբոտացման համար. այն բնութագրվում է աշխատանքի մեծ ծավալով, ծանր մասերի հետ աշխատանքով, վնասվածքներ ստանալու բարձր ռիսկով և գործառնությունների ճշգրտության և հուսալիության բարձր պահանջներով: Ժամանակակից գործարանների հավաքման գծերում արդեն աշխատում են բազմաթիվ արդյունաբերական ռոբոտներ, որոնք մասնագիտանում են կոնկրետ առաջադրանքների մեջ: Սակայն կան առաջադրանքներ, որոնք դժվար է նկարագրել խիստ ալգորիթմներով, և այստեղ հարմար են հենց մարդանման ռոբոտները։
Tesla-ի ղեկավար Իլոն Մասկը, երբ ներկայացրել էր Tesla Optimus ռոբոտը, հայտարարել էր, որ դրանք կօգտագործվեն Tesla-ի էլեկտրական մեքենաների գործարաններում, իսկ Figure ստարտափը նախատեսում է փորձարկել իր լուծումները BMW գործարանում։
Boston Dynamics-ը պատկանում է Hyundai-ին, և նրա ռոբոտները կարող են օգտագործվել նաև ավտոարտադրության մեջ. Atlas-ը դեռևս զուտ հետազոտական նախագիծ է, և ներկայիս տեսքով այն մարդանման ռոբոտների մեջ ամենահեռանկարային նախագծերից է: Առևտրային միջավայրում Atlas-ի օգտագործումը կարող է արդարացնել տարիների ակադեմիական աշխատանքը:
Atlas-ն իրականում շատ ավելի բարդ գործողություններ է կարողանում անել։ 2023-ի հունվարին Boston Dynamics-ը տեսանյութ էր հրապարակել, որում երևում էր, թե ինչպես նույն Atlas-ը գործիքներով պայուսակը նետելով փոխանցում մարդուն և մարմնամարզիկի պես սալտո անում։
ամիս
շաբաթ
օր