Assassin's Creed-ի երկրպագուները վաղուց էին երազում, որպեսզի խաղերից մեկի գործողությունը տեղի ունենա ֆեոդալական Ճապոնիայում: Նրանց երազանքները վերջապես կիրականանան. Ubisoft Forward-ի ժամանակ ցուցադրված թիզերը հաստատել է, որ Assassin's Creed: Codename Red-ը մեզ ֆեոդալական Ճապոնիա կտանի։
30 վայրկյան տեւողությամբ թիզերում ցուցադրել են վառ մայրամուտն անտառների եւ մթնոլորտային ամրոցների վրա, եւ թաքնված շեղբով եւ ճապոնական կարճ թրով զինված նինձային, որը վայրէջք է կատարում սալիկապատ տանիքի վրա:
Թիզերն այլ բան չի ցուցադրել, իսկ նոր խաղի մասին դեռ բավական քիչ տեղեկություններ կան։
Հայտնի է, որ նոր խաղի մշակմամբ զբաղբում է Ubisoft Quebec-ը, որը ուրախացրել է շարքի շատ երկրպագուներին, քանի որ այդ մշակողները պատասխանատու էին նաեւ շարքի մի քանի այլ հաջողված խաղերի համար՝ Brotherhood-ի, Revelations-ի, Black Flag-ի, Rogue-ի, Syndicate-ի, Origins-ի, Odyssey-ի եւ Valhalla-ի։
Հայտնի է նաեւ, որ խաղում գործողությունները տեղի են ունենալու բաց աշխարհում։
Թե որ դարաշրջանի վրա է կենտրոնանալու Ubisoft-ը, դեռ ոչինչ տեղեկություն չկա, սակայն շատ երկրպագուներ կարծում են, որ Տոկուգավայի ժամանակաշրջանի Էդոն, Օսական եւ Կիոտոն շատ հարմար են մեծ ասասինների շարքի համար։
Թե երբ սպասել Assassin's Creed: Codename Red-ի թողարկմանը, եւս հայտնի չէ: Բայց կարելի է ենթադրել, որ եթե Assassins Creed Mirage-ը խոստացել են թողարկել 2023-ի գարնանը կամ ամռանը, ապա Codename Red-ը մինչեւ 2024-ը դժվար թե թողարկվի։
ամիս
շաբաթ
օր