Նախընտրելի
Ռուսական «Յանդեքս» ընկերությունը Հայաստանում գրանցել է Beyond ML ընկերությունը, որն զբաղվում է մեքենայական ուսուցման ոլորտի ստարտափներով և B2B ծառայությունների առաջմղմամբ։
Beyond ML-ի պաշտոնական կայքում ասվում է, որ Beyond ML-ի միջոցով մեքենայական ուսուցմամբ զբաղվող ստարտափները «դառնում են համաշխարհային B2B ծառայություններ»:
Կայքը նաև հայտնում է, որ ընկերության ստարտափներում և ստուդիաներում աշխատում է ավելի քան 100 մարդ ողջ աշխարհում, թիմերի մեծ մասն աշխատում է հեռակա կարգով Երևանից, Բելգրադից (Սերբիա), Նյու Յորքից (ԱՄՆ) և Սևիլիայից (Իսպանիա):
Կայքում ներկայացված են նաև ընկերության վեց նախագծեր.
- Meteum (եղանակի տեսություն),
- Lawrify (իրավաբանական ծառայությունների մատուցում),
- Smelter («մրցակիցների»՝ արհեստական բանականության վրա հիմնված մեդիա վերլուծություն),
- Recommendix (էլեկտրոնային առևտուր),
- Selesta (էլեկտրոնային առևտուր),
- Membrace (բովանդակության մոդերացիայի հարթակ)։
Ինչպես տեղեկացնում է ռուսական «ՏԱՍՍ» գործակալությունը, ընկերությունն այժմ աշխատողներ է փնտրում Սերբիայում և ԱՄՆ-ում։
