Նախընտրելի
Եվրոպական Airbus, Thales և Leonardo ընկերությունները մտադիր են նոր համատեղ տիեզերական նախագիծ ստեղծել՝ մրցելու Իլոն Մասկի Starlink-ի հետ, հայտնում է Reuters-ը։
«Բրոմո նախագիծը», որն անվանվել է ինդոնեզական հրաբխի պատվին, նախատեսում է ստեղծել առանձին եվրոպական արբանյակային առաջնորդ՝ եվրոպական առաջատար հրթիռային համակարգերի նախագծող և արտադրող MBDA մոդելի օրինակով, որը պատկանում է Airbus-ին, Leonardo-ին և BAE Systems-ին:
Գործակալության տվյալներով՝ մինչ այժմ արբանյակների եվրոպական առաջատար արտադրողները համատեղ աշխատելու հնարավորությունը դիտարկել են միայն արտադրության մասշտաբների ընդլայնման համար, մինչդեռ եվրոպական հատվածը մեծ կորուստներ է կրում Starlink ցանցի արագ աճի ֆոնին։
Երկու կողմերը «դիտարկում են նման ձեռնարկություն ստեղծելու ծրագրերը» բանակցություններում, որոնք դեռևս վաղ փուլում են: Leonardo-ի գործադիր տնօրեն Ռոբերտո Չինգոլանիի խոսքերով, քննարկումները վերաբերում էին տարբեր տեխնիկական ասպեկտներին:
Starlink-ը գլոբալ արբանյակային կապի համակարգի նախագիծ է: Այն մշակվել է Մասկի հիմնադրած SpaceX ընկերության կողմից: Starlink համակարգը նախագծված է ամբողջ աշխարհի օգտատերերին ինտերնետ հասանելիություն ապահովելու համար՝ Երկրի ցածր ուղեծրում տեղակայելով մեծ քանակությամբ մինչև 500 կգ կշռող փոքր սարքեր:
