ՆախընտրելիԱՄՆ տնտեսությունում սեպտեմբերին 254,000 նոր աշխատատեղ է ավելացել, ինչը փետրվարից ի վեր ամենաբարձր ցուցանիշն է։ Մասնագետները սեպտեմբերի համար ընդամենը 150,000 նոր աշխատատեղ էին կանխատեսել։
Գործազրկության մակարդակը 4,2 տոկոսից նվազել է մինչև 4,1 տոկոս։
ԱՄՆ ծառայությունների ոլորտի ակտիվությունը սեպտեմբերին հասել է վերջին 1,5 տարիների ամենաբարձր ցուցանիշին։ Ոչ արտադրական ոլորտի PMI ինդեքսը հասել է 54,9-ի, ինչը 2023 թվականի փետրվարից ի վեր ամենաբարձր ցուցանիշն է։ Օգոստոսին այս ցուցանիշը 51․5 էր։
50-ից բարձր ցուցանիշը վկայում է այն մասին, որ տնտեսության երկու երրորդը կազմող ոլորտը աճում է։
Աշխատաշուկայի՝ սպասվածից լավ ցուցանիշների հրապարակումից հետո Goldman Sachs-ը նվազեցրել է առաջիկա ամիսներին ԱՄՆ տնտեսության ռեցեսիայի հավանականությունը 5 տոկոսային կետով՝ հասցնելով 15%-ի։
Goldman Sachs-ի տնտեսագետ Յան Հացիուսը հայտարարել է, որ զբաղվածության մասին սեպտեմբերի զեկույցը վերագործարկել է իրավիճակն աշխատանքային շուկայում և հանդարտեցրել անհանգստություններն այն մասին, որ աշխատուժի պահանջարկը չափազանց արագ է նվազում գործազրկության մակարդակի նվազման համար։
Բրոքերային ընկերությունը անփոփոխ է թողել իր կանխատեսումն այն մասին, որ վերաֆինանսավորման տոկոսադրույքը 0,25-ական տոկոսով կնվազեցվի՝ 2025թ հունիսին հասցնելով 3,25-3,5%-ի։ «Եվս մեկ 0,5% նվազեցման ռիսկերն այժմ նվազել են»,- նշել է Հացիուսը։
ԱՄՆ դրամական շուկան հոկտեմբերի 2-ին նախորդող շաբաթվա ընթացքում միջոցների հսկայական ներհոսք է գրանցել, քանի որ ներդրողները առավել անվտանգ ակտիվներ են փնտրել աշխատավարձի մասին զեկույցին նախորդող շրջանում՝ Մերձավոր Արևելքում աճող աշխարհաքաղաքական մտահոգությունների ֆոնին։
Ներդրողները 41․32 միլիարդ ԱՄՆ դոլարի ներդրում են կատարել, իսկ դրան նախորդող շաբաթ՝ 113․11 միլիարդի։
ԱՄՆ արժեթղթերի շուկան նույնպես նույն ժամանակաշրջանում միջոցների մեծ՝ 30 միլիարդ դոլարի ներհոսք է արձանագրել, ինչը 2020 թվականի դեկտեմբերից ի վեր ամենամեծ ցուցանիշն է։
Հետաքրքրվա՞ծ եք ներդրումներով։ Բացահայտեք դրանց հնարավորությունները Apricot Capital-ի հետ։
Apricot Capital-ը վերահսկվում է ՀՀ Կենտրոնական բանկի կողմից։
