Նախընտրելի
Synergy Research Group-ը հրապարակել է 2024-ի երկրորդ եռամսյակի ամպային ծառայությունների համաշխարհային շուկայի ուսումնասիրության արդյունքները։ Այս ոլորտում ծախսերը հասել են 79,1 միլիարդ դոլարի՝ նախորդ տարվա երկրորդ եռամսյակի համեմատ ավելանալով 14,1 միլիարդ դոլարով կամ մոտ 22%-ով: Վերլուծաբանները նշում են, որ այս ոլորտի հիմնական շարժիչ ուժերից մեկը գեներատիվ արհեսետական բանականությունն է։
Ամպային ծառայությունների ոլորտում համաշխարհային շուկայի առաջատարը շարունակում է մնալ Amazon-ը՝ 2024-ի ապրիլ-հունիսի վերջում շուկայի մոտ 32% մասնաբաժնով: Այնուամենայնիվ, առաջատար եռյակում գտնվող Microsoft-ը և Google-ը ցույց են տվել աճի ամենաբարձր տեմպերը, որոնց մասնաբաժինները գնահատվում են համապատասխանաբար 23% և 12%: Այսպիսով, այս երեք ընկերությունները միասին վերահսկում են շուկայի 67%-ը։
Ամպային ծառայություններ մատուցող մյուս ընկերություններից Oracle-ը, Huawei-ը, Snowflake-ը և MongoDB-ն տարեցտարի ամենազգալի աճն են գրանցել: Ավելին, ոլորտի խոշորագույն խաղացողների վարկանիշում Oracle-ն առաջ է անցել IBM-ից՝ հայտնվելով հինգերորդ տեղում (Salesforce-ի հետ միասին)։
Հանրային ծառայություններ IaaS-ը և PaaS-ը կազմում են շուկայի հիմնական մասը. 2024-ի երկրորդ եռամսյակում այս հատվածներում ծախսերն աճել են 23%-ով: Ամպային ծառայություններ մատուցող առաջատար մատակարարների գերիշխանությունն էլ ավելի ընդգծված է պետական հատվածում, որտեղ առաջատար եռյակը կազմում է 73%:
Աշխարհագրական տեսանկյունից ամպային ծառայությունների պահանջարկն ակտիվորեն աճում է աշխարհի բոլոր տարածաշրջաններում։ ԱՄՆ-ը շարունակում է մնալ խոշորագույն ամպային շուկան, և աճն այստեղ այս տարվա երկրորդ եռամսյակում գրանցվել է 22%: Եվրոպայում առաջատար երկրներն են Մեծ Բրիտանիան և Գերմանիան, մինչդեռ զգալի աճի տեմպեր են նկատվում Իռլանդիայում, Իտալիայում և Իսպանիայում։ Ասիական-խաղաղօվկիանոսյան տարածաշրջանը ամենաարագ աճն է գրանցում, որտեղ Հնդկաստանը, Ճապոնիան, Ավստրալիան և Հարավային Կորեան տարեկան կտրվածքով աճում են 25% և ավելի:
