Նախընտրելի
2024-ի առաջին կիսամյակում ՌԴ-ում փոքր և միջին բիզնեսի ներկայացուցիչները բախվել են խարդախության նոր սխեմայի, որի յուրաքանչյուր դրվագով ընկերություններին հարյուր հազարավոր ռուբլու չափով ֆինանսական վնաս է պատճառվել։ Այս մասին Gazeta.Ru-ին հայտնում են RTM Group ընկերության մամուլի ծառայությունից։
Հանցավոր սխեման իրականացվում է մի քանի փուլով։ Առաջին փուլում ռուսական ենթադրաբար հայտնի, սակայն կեղծ ընկերության ներկայացուցիչները կապվում են իրավաբանական ծառայությունների, հաշվապահական հաշվառման, անշարժ գույքի ոլորտի խորհրդատվական փոքր ընկերությունների, ինչպես նաև կադաստրային ծառայություններ մատուցող ձեռնարկատերերի հետ: Նրանք առաջարկում են մի քանի միլիոն ռուբլու ծառայությունների մատուցման պայմանագիր կնքել։
Երկրորդ փուլում պոտենցիալ կապալառուն նամակ է ստանում, որում նրանից պահանջվում է «տնտեսական անվտանգության մակարդակի գնահատում» անցնել՝ հաճախորդի խիստ կանոններին համապատասխան: Ավելին, պոտենցիալ տուժողներին խնդրում են վճարել ծառայության համար, իսկ հետո փոխհատուցում ստանալ նշված խոշոր ընկերությունից։ Նամակը պարունակում է նաև հղումներ, որտեղ կապալառուն կարող է պատվիրել պահանջվող ծառայությունը։
Արդեն երրորդ փուլում, երբ հաճախորդներն անցնում են հղումով, նրանց խնդրում են կանխավճար կատարել կամ ամբողջությամբ վճարել «տնտեսական անվտանգության մակարդակի գնահատման» համար։ Ամբողջական ծառայության արժեքը տատանվում է 400-500 հազար ռուբլու սահմաններում, իսկ կանխավճարը կազմում է մոտ 200-250 հազար ռուբլի:
Չորրորդ փուլում կապալառուն կատարում է վճարում, որից հետո ինչպես տնտեսական անվտանգության գնահատման կեղծ կազմակերպությունը, այնպես էլ խոշոր ընկերության ներկայացուցիչները դադարում են կապի դուրս գալ։ Այսինքն՝ տուժողը կորցնում է վճարած գումարը։
2024-ի սկզբից Ռուսաստանում մի քանի տասնյակ նմանատիպ միջադեպեր են հայտնաբերվել։ Հարձակումների արդյունավետությունը RTM Group-ի մասնագետների կողմից գնահատվում է մոտ 30%:
