Նախընտրելի
Վրաստանի տարածքում եվրոպական ուղղության հիմնական և պահեստային կապուղիների խափանման պատճառով Հայաստանում ինտերնետ կապի առնվազն երկու օպերատորի մոտ առկա է ինտերնետ հասանելիության խնդիր։
«Վրաստանի մեր գործընկերներն իրականացնում են բոլոր անհրաժեշտ միջոցառումները խնդիրը հնարավորինս արագ լուծելու համար:
Նշենք, որ ձայնային ծառայությունները հասանելի են:
Հայցում ենք Ձեր ներողամտությունը պատճառած անհարմարությունների համար», - ասվում է Team Telecom Armenia ընկերության տարածած հաղորդագրությունում:
«Ucom» ընկերության մամուլի ծառայության բաժնից ևս NEWS.am Tech-ին տեղեկացրին, որ Եվրոպական ուղղությամբ կապուղիների վթարի հետեւանքով Հայաստանում «Ucom» ընկերության որոշ ծառայությունների մոտ տեղի են ունենում ընդհատումներ։
«Վնասվել է երկու խոշոր մալուխ։ Այժմ մեր գործընկերներն աշխատում են դրանց վերականգնման ուղղությամբ», - նշեցին ընկերությունից։
