Xiaomi-ն ցուցադրել է նոր Watch S2 խելացի ժամացույցն ու Buds 4 անլար ականջակալները

12 դեկտեմբերի, 2022  19:16

Չինական Xiaomi ընկերությունը նոր արտադրանքի համաշխարհային պրեզենտացիայի ժամանակ ներկայացրել է Watch S2 խելացի ժամացույցը և Buds 4 անլար ականջակալները։

Watch S2 խելացի ժամացույց

Ժամացույցը հասանելի է երկու տարբերակով՝ 42 մմ կորպուսով և 1,32 դյույմանոց էկրանով և 46 մմ կորպուսով և 1,43 դյույմանոց էկրանով, սակայն երկու տարբերակներում էլ էկրանն ունի 466x466 լուծաչափ։ Կորպուսը պատրաստված է պողպատից, իսկ էկրանը պաշտպանված է շափյուղա ապակիով։

Կառավարման համար հեռախոսն ունի նաև երկու ֆիզիկական կոճակ, որոնք լրացնում են սենսորային էկրանին գործառույթներին: Խելացի ժամացույցն ունի ավելի քան հարյուր տեսակի սպորտային մարզումների աջակցություն, ինչպես նաև զարկերակի, արյան՝ թթվածնով հագեցվածության մակարդակի, քնի որակի վերահսկման, ինչպես նաև այլ գործառույթներ։

Xiaomi Watch S2.JPG (41 KB)

Xiaomi Watch S2-ը հագեցած է NFC մոդուլով և GPS սենսորով, իսկ ներկառուցված խոսափողը և բարձրախոսները թույլ են տալիս աքսեսուարն օգտագործել հեռախոսով խոսելիս։ 305 մ/Աժ և 42 մմ մարտկոցն ապահովում է մինչև մեկ շաբաթյա աշխատանք առանց վերալիցքավորման, իսկ 46 մմ տարբերակը 500 մ/Աժ մարտկոցի շնորհիվ կարող է աշխատել մինչև 12 օր:

Չինաստանում նոր Xiaomi Watch S2-ի գինն սկսվում է 143 դոլարից։

Xiaomi Buds 4 անլար ականջակալ

Ականջակալներից յուրաքանչյուրը ստացել է երկու բարձրախոս, դրանք ունեն տարածական ձայնի և բարձր լուծաչափի ձայնի աջակցություն: Նորույթն ունի նաև աղմուկի ակտիվ նվազեցման համակարգ, որն օգտագործում է երեք ներկառուցված խոսափողներ:

Xiaomi Buds 4.JPG (30 KB)

480 մԱ/ժ հզորությամբ մարտկոցն ապահովում է մինչև վեց ժամ աշխատանք՝ առանց վերալիցքավորման, իսկ լիցքավորման սարքը էլ ավելի է երկարացնում Xiaomi Buds 4-ի ավտոնոմ աշխատանքը՝ մինչև 30 ժամ:

Չինաստանում Xiaomi Buds 4 ականջակալն արժե 100 ԱՄՆ դոլար։ Թե՛ ժամացույցի, թե՛ ականջակալի վաճառքը կսկսվի այս տարվա դեկտեմբերին։

Xiaomi 13 և Xiaomi 13 Pro սմարթֆոններ

Ավելի վաղ NEWS.am Tech-ը տեղեկացրել էր, որ Xiaomi ընկերությունն այս պրեզենտացիայի շրջանակում ցուցադրել է երկու նոր սմարթֆոն՝ Xiaomi 13 և Xiaomi 13 Pro մոդելները: Երկու սարքերն էլ զինված են Snapdragon 8 Gen 2 չիպով և ունեն 8 կամ 12 ԳԲ օպերատիվ և 128, 256 կամ 512 ԳԲ ներքին հիշողության հնարավորություն:

Սմարթֆոններն ստացել են հովացման բարելավված համակարգ, որը թույլ է տալիս պահպանել սարքերի առավելագույն կատարողական ցուցանիշներ նույնիսկ ամենաակտիվ օգտագործման պայմաններում։

Xiaomi 13 .jpg (147 KB)

Սմարթֆոնների հիմնական տարբերությունը տեսախցիկների մեջ է։ Xiaomi 13-ն ունի 32 ՄՊ առջևի տեսախցիկ, ինչպես նաև եռակի հիմնական մոդուլ՝ Leica-ի արտադրության օպտիկայով 54 ՄՊ հիմնական տեսախցիկ, 10 ՄՊ տելեօբյեկտիվ՝ 3,2x օպտիկական խոշորացումով և 12 ՄՊ լայնանկյուն օբյեկտիվ՝ կրկին Leica-ի արտադրության օպտիկայով։ 


 
  • Ամենաընթերցվածը

ամիս

շաբաթ

օր

 
 
 
 
  • Արխիվ