Լուսնի հեռավոր կողմից 1-ին անգամ վերցված նմուշները հանվել են Chang'e-6 պարկուճից և ուղարկվել ուսումնասիրության

Լուսնի հեռավոր կողմից վերցված առաջին նմուշը բերած չինական Chang'e 6 առաքելության պարկուճը հասել է Պեկին, որտեղ այն բացվել է, ինչից հետո արժեքավոր բեռը պատրաստել են իր հաջորդ ուղևորությանը։

Լուսնի հեռավոր կողմից վերցված հողի նմուշները Chang'e 6 առաքելության պարկուճը հաջողությամբ Երկիր էր հասցրել հունիսի 25-ին, երբ պարկուճը վայրէջք էր կատարել Ներքին Մոնղոլիա նահանգում։

Այս իրադարձությամբ նշանավորվել էր Chang'e-6-ի 53-օրյա առաքելության հաջող ավարտը: Նմուշները պարունակող պարկուճը չորեքշաբթի (հունիսի 26-ին) վաղ առավոտյան ժամանել էր Պեկին՝ Չինաստանի Տիեզերական տեխնոլոգիաների ակադեմիա (CAST), որը նախագծել է Chang'e 6 տիեզերանավը:

Ակադեմիա ժամանելուց հետո հետազոտողները բացել են վերադարձի պարկուճը և ուսումնասիրել հիմնական տեխնիկական ցուցանիշները: Կոնտեյները, որտեղ պահվում էին Լուսնից վերցված հողի մոտ 2 կգ նմուշները, այնուհետև պատրաստել են իր ճանապարհորդության հաջորդ փուլին: Նմուշները կտեղափոխվեն հատուկ նախագծված հաստատություններ՝ հետազոտության նպատակով պահպանման, վերլուծության և բաշխման համար:

Ինչպես 2020-ն Chang'e 5 առաքելության շրջանակում Լուսնի Երկրին ամենամոտ կողմից վերցված նմուշների դեպքում, այս նմուշները ևս կտեսակավորվեն և այնուհետև հետազոտության նպատակով հասանելի կլինեն Չինաստանի գիտնականների և հաստատությունների համար։ Միջազգային խմբերի և հետազոտողների համար նմուշները հասանելի կլինեն հավանաբար երկու տարի հետո։