Որքանո՞վ է վտանգավոր բոլոր տեղերում նույն գաղտնաբառը կիրառելը․ հարցազրույց կիբեռանվտանգության մասնագետ Մարտուն Մինասյանի հետ

Կարելի է կարդալ բուն նամակը և հասկանալ, թե արդյոք ձեզ առաջարկվում է ինչ-որ շահում. «Դու այսօր գումար ես շահել»: Սակայն դու հասկանում ես, դու ոչ մի տեղ ներդրում չես արել, նման բան չես արել, և հանկարծ այն հենց այնպես ընկավ երկնքից: Ո՛չ, այդպես չի լինում։

Այդ մարդիկ պատրաստված են, հոգեբանություն են հասկանում, ճնշում են բանեցնում, որպեսզի մարդիկ իրենց իսկ անվտանգությանը սպառնացող քայլեր տարբեր քայլեր անեն։ Օրինակ՝ քարտդ գողացել են, շտապ, շտապ արգելափակել։ Եվ այսպես վստահություն են ձեռք բերում, ինչպես գուշակները։

Ներշնչման տարբեր տեխնիկաներ են կիրառել, արդյունքում ընկերս վարկ ունի, որը մարում է։ Նա մտել է իր բանկային հավելված, նրան հեռախոսով ասել են՝ ինչ անել, նա վարկ է վերցնել և այդ գումարն ուղարկել է ինչ-որ մարդու։ Նրան ներշնչել են, որ այդպես պետք է անել, որ դա վարկից խուսափելու ամենահուսալի միջոցն է՝ վերցնել նոր վարկ և դա փոխանցել այլ անձի։

Հայաստանում բոլորը սոցցանցերում շատ ժամանակ են անցկացնում, ու որքան էլ տխուր է, մարդկանց մեծ մասը տարված է մոլախաղերով։ Այսինքն՝ եթե մարդուն հաղորդագրություն ուղարկեն, որ դու հաղթել ես, ապա կասկածներ չեն առաջանա, որովհետև, ընդհանուր առմամբ, բնակչության մեծ մասը խաղում է, և չարագործները դա գիտեն, նրանք նախնական տեղեկություններ են հավաքում։ Նման հաղորդագրություն ուղարկելով հազարավոր մարդկանց՝ նրանք գիտեն, որ 10%-ը կարձագանքի դրան:

Նրանք կարող են տնօրենի անունից նամակ ուղարկել հաշվապահություն՝ նախապես ուսումնասիրելով նրա նամակները։ Հաշվապահը կտեսնի. «Այսինչ հաշվին գումար փոխանցիր հիմա»: Իսկ ի՞նչ է նա անելու։ «Շեֆն ինձ գրել էր, ուրեմն փոխանցեմ»։ Կամ նրանք կգաղտնագրեն ձեր ամբողջ աշխատանքը։

Եթե ​​վերցնենք Covid-ի պատմությունը, ապա չարագործների մեծ մասն օգտագործում էր նորությունների հոսքը․ ինչպես պաշտպանվել, ԱՀԿ չափանիշները ... Ներբեռնեք ֆայլը։ Դուք աշխատավայրում եք: Մի գավաթ սուրճով մի փոքր շեղվեցիք: «Օ՜, հետաքրքիր է»: Ներբեռնում եք այն, կարդում, իսկ ներսում վիրուսն արդեն աշխատում է և հավաքում բոլոր տվյալները։

Ուղղություններից մեկը գովազդն է։ Գովազդային հարթակները գնում են ձեր մասին անձնական տվյալներ և այնուհետև նպատակաուղղված ձեզ են ուղարկում այս կամ այն գովազդը, այնպես, ինչպես աշխատում են առցանց առևտրի հարթակները։

Երբ բլոկչեյնի միջոցով քեզանից 1000 դրամ են գողացել, դա ոչ ոքի չի անհանգստացնի։ Սակայն եթե միլիոնավոր դոլարներ են գողացել, ապա դա այլ հարց է։ Իսկ այսպես՝ 1000 մեկից, 1000՝ երկրորդից և այդպես շարունակ, արդեն որոշակի գումար է կուտակվում։ Այո, բլոկչեյնն այն ավելի է բարդացնում։

Նեյրոցանցերն ակտիվորեն կօգտագործվեն։ Չարագործների կողմից վիրուսների և նամակների ստեղծման գործընթացն ավելի արագ և անհատականացված կդառնա: Բարդ պայքար է ծավալվելու կիբեռանվտանգությամբ զբաղվողների և նեյրոցանցերի միջև։

Ձեր քարտի տվյալները մի՛ տրամադրեք ում պատահի, բաց աղբյուրներում և սոցցանցերում մի՛ բացահայտեք ձեր անձնագրի տվյալները: Այն ամենը, ինչ վերաբերում է անձամբ ձեզ, թող պահպանվի թղթային տարբերակով, որը գիտեք, որ պահարանում է, բայց ոչ համացանցում, քանի որ թվային հետքը չի անհետանում։

ՄԱՐՏՈՒՆ ՄԻՆԱՍՅԱՆ

ARMOURIX ընկերության գործադիր տնօրեն։

Կիբեռանվտանգության փորձագետ՝ ներթափանցման թեստավորման ոլորտում: Պրակտիկ մասնագետ և կիբեռանվտանգության մրցաշարերի մասնակից։