Եթե Երկիրը կործանվի, Մարսը կարող է Նոյյան տապան դառնալ մարդկության համար. հարցազրույց Արեգ Միքայելյանի հետ

Եթե աստերոիդը լինի հարյուր մետրի չափ, և ուղիղ անկյան տակ բախվի Երկրին, ցանկացած խոշոր քաղաք կվերացնի։

---

Հարյուր մետրանոց աստերոիդը միլիոն տարին մեկ կարող է Երկրին բախվել, մեկ կիլոմետրանոցը՝ տասը միլիոն տարին մեկ։

---

Ինչո՞ւ են Մարսն ուսումնասիրում, որովհետև եթե Երկիրը երբևիցե կործանվի, Մարս էվակուացվելը Նոյյան տապանի տարբերակ կարող է լինել։

---

Եթե ԱՄՆ-ը կամ ԵՄ-ն որոշեն իրենց ֆինանսները ներդնել Մարս առաքելություն ուղարկելու վրա, կարող են տասը տարվա մեջ անել դա։

---

Սոդոմը և Գոմորը իրականում վերացել են աստերոիդի հարվածի հետևանքով։

---

Բնության տարերքների դեմ մենք շատ չնչին ենք, մարդկությունը նույնիսկ հրաբխի դեմը չի կարողանում առնել։

---

Կարող ենք աստերոիդին հարվածով շեղել, բայց նրան կանգնեցնելու ռեսուրս մենք չունենք։

---

Երբ ստեղծենք բանական ռոբոտներ, այսինքն՝ իրենք որոշեն, թե ինչ են անում, հաստատ կորոշեն՝ մեզ կենդանիների նման մի փոքր քանակությամբ պահել՝ վանդակների մեջ, ինչպես մենք ենք անում։

---

Արտերկրային քաղաքակրթության գոյության հավանականությունը շատ մեծ է, որովհետև տիեզերքը շատ մեծ է․ միայն մեր գալակտիկայում մոտ 400 միլիարդ աստղ կա։

---

Դեռ ոչ մի այլմոլորակային չի հայտնաբերվել, ֆանտաստիկ ժանրի ֆիլմերը հորինված են։

---

Մեծ է հավանականությունը, որ Մարսի վրա նախկինում կյանք է եղել։

---

Կա տեսակետ, որ այլմոլորակայինները նախկինում այցելել են Երկիր։

---

Սառը պատերազմի տարիներին՝ 1971-ին, Նիքսոնը զանգել է Բրեժնևին և քննարկել են այլմոլորակներից պաշտպանվելու համատեղ ջանքերը։

---

Հայերը շատ լուրջ ներդրում ունեն տիեզերական ուսումնասիրությունների մեջ։ Նորայր Սիսակյանը համարվում է տիեզերական կենսաբանության հիմնադիրը։

---

Արեգակից հետո ամենամոտ աստղը 270,000 անգամ ավելի հեռու է, աստղերին հասնելը ֆանտաստիկա է։

---

Մարդկությունն առանց տիեզերական վտանգի էլ կարող է ինքն իրեն վերացնել։

---

Աստղագետների կեսը հավատում են Աստծո գոյությանը, կեսը՝ ոչ։

---

Գրված է, որ Հիսուս Քրիստոսի խաչելության օրը Լուսնի խավարում տեղի ունեցավ, այդ խավարմանը օրը ստույգ է արդեն՝ 33 թվականի ապրիլի 3-ին։

---

Արեգ Միքայելյան

Արեգ Միքայելյանը Ֆիզիկամաթեմատիկական գիտությունների թեկնածու է, Երևանի պետական համալսարանի աստղաֆիզիկայի ամբիոնի դասախոս, Բյուրականի աստղադիտարանի տնօրենը և գիտական խորհրդի նախագահը։ Հայկական աստղագիտական ընկերության նախագահն է։