Ամերիկյան Meta կորպորացիան ներկայացրել է նոր գեներատիվ արհեստական բանականության մոդելը՝ MusicGen-ը, որը երաժշտություն է ստեղծում տեքստային նկարագրության հիման վրա։
MusicGen-ը, որը մշակել է Audiocraft-ի թիմը, կարող է ստեղծել 12 վայրկյան տևողությամբ գործիքային կատարումների թրեքեր։
We present MusicGen: A simple and controllable music generation model. MusicGen can be prompted by both text and melody.
— Felix Kreuk (@FelixKreuk) June 9, 2023
We release code (MIT) and models (CC-BY NC) for open research, reproducibility, and for the music community: https://t.co/OkYjL4xDN7 pic.twitter.com/h1l4LGzYgf
Մշակողների խոսքով՝ արհեստական բանականությամբ այս մոդելն ուսուցանվել է 20,000 ժամ երաժշտության հիման վրա ավելի քան 10,000 լիցենզավորված երաժշտական թրեքերից, ինչպես նաև 390,000 անվճար գործիքային ստեղծագործությունների հիման վրա Pond5 և Shutterstock մեդիա գրադարաններից:
Ավելի լավ արդյունք ստանալու համար մոդելը հնարավորություն է տալիս նաև որպես օրինակ վերբեռնել ինչ-որ երաժշտություն և նշել, թե ինչ եք ցանկանում ստանալ արդյունքում: MusicGen-ը հնարավոր է անվճար փորձել Hugging Face կայքում:
Տեքստային նկարագրության հիման վրա երաժշտություն ստեղծող նեյրոնային ցանց ավելի վաղ ներկայացրել էր Google ընկերությունը։ MusicLM-ը հասանելի է բջջային սարքերի AI Test Kitchen հավելվածում:
ամիս
շաբաթ
օր