Apple-ը Watch Ultra-ն «ամենակայուն եւ հուսալի խելացի ժամացույցն» է համարվում. տիտանի պատյանն ու շափյուղայից էկրանը, ըստ արտադրողի, կարող են լուրջ «փորձությունների դիմանալ»։ YouTube-ի TechRax ալիքի հեղինակը որոշել է ստուգել՝ արդյոք դա ճիշտ է։
Դիմացկունության ստուգման ժամանակ նա ժամացույցը գցել է գետնին հատակին, դրել մեխերով տարայի մեջ, ինչպես նաեւ մի քանի անգամ մուրճով հարվածել է։ Ժամացույցն իսկապես արժանապատվորեն դիմակայել է այդ բոլոր փորձություններին։ Անգամ ժամացույցի տակի սեղանն է ճաքել, բայց ժամացույցի ապակին չի ճաքել՝ ընդամենը փոքր քերծվածքներ են հայտնվել։
Նախ բլոգերը մոտ 1.2 մետր բարձրությունից ժամացույցը գցել է հատակին, այն գրեթե չի վնասվել, սակայն տիտանե պատյանի վրա մի քանի քերծվածք է հայտնվել։
Այնուհետեւ բլոգերը ժամացույցը դրել է մեխերով տարայի մեջ եւ լավ թափահարել է: Մեխերը, ինչպես պարզվել է, եւս լուրջ վնաս չեն հասցրել Apple Watch Ultra-ին։
Ժամացույցը դիմացել է նաեւ մուրճի բազմակի հարվածներին։ Ժամացույցի էկրանը հանգել է միայն բազմաթիվ հարվածներից հետո, երբ արդեն ճաքել էր սեղանը, որի վրա դրված է եղել ժամացույցը։ Ընդորում՝ ժամացույցի պաշտպանիչ ապակին չի ճաքել, ըստ երեւույթին, արդեն տուժել էին ժամացույցի ներքին բաղադրիչները։
Ավելի ուշ բլոգերին, այնուամենայնիվ, հաջողվել է, ոչ առանց դժվարության, կոտրել նաեւ ապակին։
Հետևեք NEWS.am Tech-ին Facebook-ում և Twitter-ում