Նախընտրելի
Intel-ը հայտարարել է, որ ծախսերը 10 միլիարդ դոլարով կրճատելու ծրագրի շրջանակում նախատեսում է կրճատել իր աշխատուժի ավելի քան 15%-ը՝ մոտ 15,000 մարդ, ինչից հետո ընկերության բաժնետոմսերի գինը նվազել է 20%-ով: Ընկերությունը նաև 2024-ի ֆինանսական տարվա չորրորդ եռամսյակում շահաբաժին չի վճարի և կնվազեցնի ամբողջ տարվա կապիտալ ծախսերը ավելի քան 20%-ով։
Ֆինանսական երկրորդ եռամսյակում, որն ավարտվել է հունիսի 29-ին, Intel-ի եկամուտը տարեկան կտրվածքով նվազել է 1%-ով: Նախորդ տարվա նույն ժամանակահատվածում ընկերությունն 1,48 միլիարդ դոլարի շահույթ ստանալուց հետո սկսել էր 1,61 միլիարդ դոլարի վնաս կրել (կամ 38 ցենտ մեկ բաժնետոմսի հաշվարկով):
Գործադիր տնօրեն Փեթ Գելսինջերն ասել է, որ կորուստների պատճառը Core Ultra PC չիպերի արտադրությունն արագացնելու որոշումն է, որոնք կարող են կիրառվել արհեստական բանականության առաջադրանքներում։ Նա նաև նշել է, որ Intel-ը որոշել է արագացնել Intel 4 և 3 չիպերի արտադրությունը Օրեգոնի գործարանից Իռլանդիայի գործարան տեղափոխելը, ինչը կհանգեցնի ավելի բարձր ծախսերի կարճաժամկետ հեռանկարում, բայց նաև ավելի մեծ համախառն շահույթի ապագայում:
Ֆինանսական երրորդ եռամսյակի համար Intel-ը կանխատեսում է մեկ բաժնետոմսի դիմաց 3 ցենտի ճշգրտված կորուստ այն դեպքում, եթե հասույթը կկազմի 12,5-13,5 միլիարդ դոլար։ LSEG-ի վերլուծաբաններն ակնկալում են 31 ցենտի կորուստ մեկ բաժնետոմսի համար՝ 14,35 միլիարդ հասույթի պարագայում։
Աշխատատեղերի կրճատումները, որոնք կանդրադառնան մոտ 15,000 աշխատակցի, հիմնականում տեղի կունենան այս տարի։ Սա Layoffs.fyi-ում թվարկված բոլոր աշխատատեղերի կրճատումներից ամենալայնամասշտաբ կրճատումն է 2020-ի մարտից ի վեր:
