Նախընտրելի
Այս տարվա երրորդ եռամսյակում անհատական համակարգիչների (ԱՀ) համաշխարհային առաքումները հասել են 68,5 միլիոն միավորի, և թեև այս ցուցանիշը նշանակում է, որ տարեկան 7,2% անկում, IDC ընկերության վերլուծաբանները վստահ են, որ հաջորդ տարի այս համակարգիչների շուկան կկարողանա աճել 3,4%-ով՝ հասնելով 260 մլն միավորի։
Ինչպես պարզաբանում են IDC-ի ներկայացուցիչները, 2023-ին ԱՀ-ների շուկան 2022-ի համեմատ կրճատվել էր 13,8%-ով, իսկ դրանից մեկ տարի առաջ ԱՀ-ների վաճառքը նվազել էր ևս 16,6%-ով, ուստի շուկայի այս հատվածի չափանիշներով նման ձգձգված և ուժեղ անկումը պետք է 2024-ին ձևավորի պայմաններ պահանջարկը վերականգնելու համար։
Նախ, դրան կնպաստի աշխարհում այս պահին գործածվող մեծ թվով ԱՀ-ների առկայությանը, որոնք չորս տարուց ավելի հին են և, հետևաբար, կարող են պահանջել թարմացում: Բացի դրանից, հաջորդ տարի օգտատերերը ստիպված կլինեն տեղափոխվել Windows 11, քանի որ ավարտվում է Microsoft-ի ծրագրային նախորդ հարթակի կյանքի ցիկլը։
Երկրորդ՝ 2024-ին շուկայում կհայտնվեն բավարար քանակի կենտրոնական պրոցեսորներ՝ արհեստական բանականության համակարգերի աշխատանքն արագացնելու գործառույթով։ Դրանց օգտագործումից առաջինը կշահեն կորպորատիվ հաճախորդները, սակայն աստիճանաբար նման պրոցեսորների կիրառման շրջանակը կընդլայնվի։ 2024-ից հետո, ըստ IDC-ի վերլուծաբանների, ԱՀ-ների շուկան կկարողանա հասնել մինչհամաճարակային մակարդակի, իսկ մինչև 2027-ը վաճառքի ծավալները կաճեն մինչև 285 միլիոն միավոր:
Փորձագետների կարծիքով, մինչև ընթացիկ եռամսյակը ներառյալ, ԱՀ-ների շուկան ութ եռամսյակների ընթացքում անկում է ապրում, սակայն նույնիսկ վերականգնման ի հայտ եկած նշանները թույլ չեն տալիս հավատալ, որ մոտ ապագայում շուկան կհասնի 2012-ի երկրորդ եռամսյակի մակարդակին։ Մյուս կողմից, նոութբուքների հատվածն վաճառքի ծավալներով արդեն հասել է ավելի բարձր մակարդակի, քան 2019-ին։ Ապագայում ԱՀ-ների շուկայի աճին կնպաստի զբաղվածության հիբրիդային ձևերի վրա կենտրոնացումը, համակարգչային բազայի թարմացումը և ավելի թանկ կոնֆիգուրացիաների նկատմամբ հետաքրքրության աճը: Այս ամենը թույլ կտա 2023-ից 2027-ն ընկած ժամանակահատվածում պահպանել տարեկան 3,1% աճի միջին ցուցանիշը։
Այս ժամանակահատվածում ԱՀ-ների վաճառքի աճի տեմպերը սպառողական հատվածում ակնկալվում է տարեկան 2,4%, կրթական ոլորտում՝ տարեկան 4,2%, իսկ առևտրային ոլորտում կսահմանափակվեն տարեկան 3,6%-ով:
Ծրագրային հարթակների առումով հաջորդ տարի Apple macOS-ով աշխատող ԱՀ-ները կարող են ավելացնել վաճառքի ծավալները 20%-ով, սակայն մինչև 2027-ը դրանց վաճառքի դինամիկան կհասնի ոլորտի միջին ցուցանիշին։ Google Chrome OS-ով աշխատող համակարգերի հատվածում լճացում է սպասվում մինչև 2026-ը։ Microsoft Windows-ով աշխատող համակարգերը աճի տեմպերի գագաթնակետին կհասնեն 2025-ին, իսկ դրանց նկատմամբ հետաքրքրության հաջորդ աճը տեղի կունենա 2027-ին:
