Ապագայի իսկապես խելացի հեծանիվը. դուք կարող եք ոչ միայն վարել նոր էլեկտրոնային հեծանիվը, այլև խոսել դրա հետ

Urtopia-ն ներկայացրել է Fusion էլեկտրական հեծանիվը, որը վստահաբար կարելի է անվանել ապագայի հեծանիվ: Դուք կարող եք ոչ միայն վարել այն, այլև խոսել դրա հետ: Հեծանիվի հիմնական առանձնահատկություններից մեկը ChatGPT չաթ բոտի ներկառուցված աջակցությունն է:

Ըստ Gizmochina պորտալի՝ Fusion-ն առաջարկում է արհեստական ​​բանականության հետ փոխգործակցության յուրահատուկ փորձ. ներկառուցված ChatGPT-ն աջակցում է օգտատիրոջ հետ բնական զրույցին, կարող է տեղեկատվություն տրամադրել երթուղիների մասին։ Ավելին, կախված պայմաններից և մարզումների նպատակներից, այն կարող է հարմարեցնել հեծանիվների կարգավորումները:

Fusion-ը նաև համատեղելի է հանրահայտ սպորտային հավելվածների հետ, ինչպիսիք են Strava-ն և Apple Health-ը, ինչը թույլ է տալիս հետևել առողջության և ֆիթնեսի մի շարք ցուցանիշների: Հեծանիվն ունի նաև ներկառուցված GPS թրեքեր:

ChatGPT-ով էլեկտրական հեծանիվների վաճառքի արժեքի և մեկնարկի ամսաթվի մասին դեռևս տեղեկություններ չկան: