The Witcher 4-ը մշակման փուլում է. Այն կլինի CD Projekt RED-ի պատմության մեջ ամենախոշոր խաղը

Լեհական CD Projekt RED ստուդիան իր բոլոր ջանքերը գործի է դրել նոր՝ The Witcher 4 խաղի մշակման համար: Ստուդիայի մյուս խաղի՝ Cyberpunk 2077-ին աջակցության վրա շատ քիչ մարդ է աշխատում։

The Witcher 4-ը կլինի պաշտամունքային ֆենթեզի-տիեզերք ժանրի նոր եռերգության առաջին մասը, որի յուրաքանչյուր խաղ մտածված է որպես լայնածավալ AAA RPG նախագիծ: Նոր խաղի վրա ընկերության 407 աշխատակից է աշխատում, և սա բավականին տպավորիչ ցուցանիշ է։ Համեմատության համար նշենք, որ վերջին տասնամյակի լավագույն խաղերից մեկը համարվող The Witcher 3: Wild Hunt-ի վրա 250 մարդ էր աշխատում։ Հնարավոր է, որ The Witcher 4-ը դառնա CD Projekt RED-ի պատմության մեջ ամենամեծ խաղը և իր չափերով գերազանցի Cyberpunk 2077-ին և The Witcher 3-ին։

Հայտնի է, որ ընկերությունն իր REDengine խաղային շարժիչից, որի վրա ստեղծվել են ընկերության նախորդ նախագծերը, անցել է առաջադեմ Unreal Engine 5-ի: Սակայն խաղի մասին դեռ շատ քիչ տեղեկություններ կան. սյուժեի և խաղի մանրամասները դեռ գաղտնի են պահվում։ Բայց գրեթե 100% վստահությամբ կարելի է ասել, որ նոր շարքի հերոսը չի լինելու Գերալտը Ռիվիայից, այլ մեկ այլ կերպար։ Նոր խաղի ծածկանունն է Polaris:

Ինչպես տեղեկացնում է IGN կայքը, CD Projekt-ի 2024-ի առաջին եռամսյակի հաշվետվության համաձայն՝ ընկերության 56 աշխատակիցներ ներկայումս աշխատում են Orion-ի վրա (Cyberpunk 2077-ի շարունակությունը), և ևս 20 մարդ աշխատում է Hadar-ի վրա (RPG նոր արտոնությունում)։ Իսկ 2020-ին թողարկված Cyberpunk 2077 դերային մարտախաղի աջակցության վրա ընդամենը 17 մարդ է աշխատում, մնացած բոլոր մասնագետները բաշխվել են ստուդիայի ընթացիկ նախագծերի միջև: