Մարտկոցի 4 տարվա երաշխիք, IP69, OLED 120 Հց էկրան․ ներկայացվել է Oppo A3 Pro սմարթֆոնը

12 ապրիլի, 2024  18:11

Oppo ընկերությունը ներկայացրել է Oppo A3 Pro սմարթֆոնը, որն ունի սպառողական սարքերի համար առավելագույն IP69 պաշտպանություն և բավական մատչելի է իր հնարավորությունների համեմատ։

Նախ՝ ընկերությունը մարտկոցի համար տրամադրում է չորս տարվա երաշխիք և մեկ տարվա երաշխիք ջրից վնասվելու դեպքում (եթե սարքը, օրինակ, ընկնում է ջրի մեջ): Մարտկոցի հզորությունը 5000 մ/Աժ է և աջակցում է 67 Վտ լիցքավորում։

Ստեղծողներն ուշադրություն են հրավիրում նաև սմարթֆոնի ամուր կառուցվածքին և Gorilla Glass Victus 2 թրծված ապակու առկայության վրա:  

Սարքը կառուցված է մեկ չիպով Dimensity 7050 համակարգի վրա և համալրված է 6,7 դյույմանոց OLED էկրանով՝ 2412 × 1080 պիքսել կետայնությամբ, 120 Հց կադրերի փոփոխության հաճախականությամբ և 950 քդ/քմ առավելագույն պայծառությամբ։

Հիմնական տեսախցիկն ունի երկու սենսոր՝ 64 (OIS-ով) և 2 ՄՊ կետայնությամբ։ Հեռախոսի հաստությունն ընդամենը 7,53 մմ է։ Oppo A3 Pro-ի 8 ԳԲ օպերատիվ և 256 ԳԲ ներկառուցված հիշողությամբ հիմնական տարբերակն արժե 275 դոլար։ Կան նաև 12/256 ԳԲ և 12/512 ԳԲ տարբերակներ:


 
  • Ամենաընթերցվածը
 
 
 
 
  • Արխիվ