Բյուրականի աստղադիտարանի «Բարձր էներգիաների աստղաֆիզիկա» գիտահետազոտական բաժնի վարիչ Գագիկ Տեր-Ղազարյանի «Գերբարձր էներգիաների աստղաֆիզիկայում ձևավորված լորենցյան համաչափությունը և համապատասխան երկրաչափությունը» աշխատությունը լույս կտեսնի Gravitation and Cosmology ամսագրում, որը ոլորտի կարևորագույն միջազգային ամսագրերից մեկն է։
Այն ծավալուն տեսություն է, որը բացատրում է «մասնիկների շարժման», մասնավորապես՝ «հավասարաչափ, իներցիոն շարժման», երևույթները։ Այդ նպատակով մշակվել է գլոբալ, այսպես կոչված, «գլխավոր տարածություն-գերհամաչափություն» հետևողական միկրոսկոպիկ տեսությունը, ինչը բացատրում է «տիպօրինակ Լորենց կոդի» (ՏԼԿ) հիմունքները։
ՏԼԿ-ն դուրս է բերվում որպես գլոբալ կրկնակի «գերհամաչափական» ձևափոխությունների հետևանք։ Այս ճանապարհով դուրս են բերվում Էյնշտեյնի Հարաբերականության հատուկ տեսության երկու հիմնարար պոստուլատները։ Այդ աշխատությունը լույս կտեսնի տվյալ բնագավառի կենտրոնական միջազգային ամսագրերից մեկում 2024-ին՝ (Gravitation and Cosmology, 2024, Vol. 30, No․ 1):
Աշխատության երկրորդ մասում, մշակվել է Լորենց-ինվարիանտության դեֆորմացիայի (ԼԻԴ) և համապատասխան երկրաչափության հետևողական միկրոսկոպիկ տեսությունը։ Այս ուսումնասիրությունը լրացվում է տարբեր ԼԻԴ-երի փորձարկումով «բարձր էներգիաների տիեզերական» և «Տէվ-գամմա ճառագայթների» շեմերի անոմալիաների փորձնական տվյալների հիման վրա։
«Իներցիայի» հիմնարար երևույթը, ինչը «Գրավիտացիայի» երևույթի հետ մեկտեղ գտնվում են Ֆիզիկայի ակունքներում, մինչ օրս մնում է Ֆիզիկայում չբացատրված առեղծվածային երևույթ։ «Իներցիայի» երևույթի առաջին մասը վերաբերում է մասնիկների «հավասարաչափ, իներցիոն» շարժմանը, իսկ երկրորդ մասը վերաբերվում է դրանց «արագացմանը» և «իներցիայի երևույթներին»։
ամիս
շաբաթ
օր