James Webb-ն Ուրանի և դրա շրջակայքի գունեղ ու մանրամասներով լի լուսանկար է արել

Եվրոպական տիեզերական գործակալությունը, որը NASA-ի պես ներգրավված է James Webb տիեզերական աստղադիտակի աշխատանքներում, կիսվել է Ուրանի և դրա շրջակայքի նոր լուսանկարով, որն ստացվել է չորս ալիքի երկարության միջոցով աստղադիտակի մերձակա  ինֆրակարմիր տեսախցիկով (NIRCam):

Ուրան մոլորակը և դրա արբանյակները աստղադիտակներով լուսանկարելու համար ամենահարմար օբյեկտները չեն։ Դրանք թույլ չեն տալիս երկար բացվածքով լուսանկարել, ինչը հանգեցնում է գիտության համար արժեքավոր մանրամասների կորստի։ Այս դեպքում օգնության են հասնում համակարգիչները և տարբեր բացվածքներով արված կադրերի խմբագրումը, ինչը հնարավորություն է տալիս ստանալ զարմանալի գունեղ և մանրամասներով լի արդյունք:

Նոր լուսանկարը վառ է և ունի շատ մանրամասներ։ Այս տարվա սկզբին Ուրանը պատկերվել է Webb-ի NIRCam տեսախցիկով 1,4 և 3,0 մկմ ալիքի երկարությամբ: Նոր պատկերն արվել է՝ օգտագործելով ևս երկու միջակայք՝ 2,1 և 4,6 մկմ: James Webb-ի զգայուն սենսորները հնարավորություն են տվել ֆիքսել նույնիսկ ներքին և գրեթե չտարբերվող օղակը:

Բուն մոլորակի վրա առանձնանում է պայծառ տարածք, որը հյուսիսային բևեռային հատվածն է կամ, ավելի ճիշտ, մթնոլորտում գտնվող աերոզոլային կախոցը՝ ջրից, մեթանից և այլ նյութերից սառցե բյուրեղների տեսքով: Այս տարածքը նաև ենթակա է ակտիվ բևեռային ցիկլոնի ազդեցությանը: Այն նկատվել է այս տարի առաջին անգամ։ Webb-ի լուսանկարներում կարող է տեսնել օդային տուրբուլենտություն ցիկլոնի եզրերի երկայնքով, ինչը որոշակի պատկերացում է տալիս մոլորակի մթնոլորտում տեղի ունեցող գործընթացների մասին:

Քանի որ Ուրանի պատկերը արվել է լայն տեսանկյունից, մոլորակի 27 ամենամեծ արբանյակներից 14-ը երևում են պատկերում՝ կապույտ կետերով։ Բացի դրանից, կադրում են հայտնվել նաև որոշ գալակտիկաներ վարդագույն և սպիտակ պարույրների տեսքով: