Արեգակի վրա հզոր բռնկում է տեղի ունեցել, որը համարվում է ամենահզորը վերջին վեց տարիների ընթացքում: Իրադարձությունը նկարահանվել է NASA-ի Solar Dynamics Observatory զոնդը: Բռնկման ինտենսիվությունը եղել է X2.8, որը համապատասխանում է ինտենսիվության ծայրահեղ մակարդակին։ Արեգակի վրա բռնկումն ուղեկցվել է կորոնար զանգվածային արտանետմամբ (մագնիսական փոթորիկ), որը Երկիրը կծածկի շաբաթի-կիրակիի ընթացքում:
Արեգակնային ակտիվության մոնիտորինգի պատմության համաձայն՝ վերջին անգամ այս ուժգնության բռնկումը գրանցվել է 2017-ին։ Այս տարվա սկզբին X դասի բռնկում տեղի է ունեցել փետրվարին, սակայն այն մի փոքր ավելի թույլ էր: Արեգակի բռնկումների գրանցման սկզբից (1976-ից) ամենահզորը տեղի է ունեցել 2003-ի փետրվարին, որի ինտենսիվությունը գնահատվել է X28-ին։
Երբեմն բռնկումներն ուղեկցվում են կորոնային զանգվածի արտանետմամբ, խոսքը պլազմայի ամպի մասին է՝ էլեկտրոնների և ջրածնի իոնների տեսքով։ Պլազմային ամպը կարող է բախվել Երկրին, ինչի հետևանքում մոլորակի իոնոսֆերայում առաջանում են զանգվածային և պայծառ բևեռափայլեր:
Ռադարների տվյալների համաձայն՝ X2.8 բռնկումը, որը գրանցվել է հինգշաբթի Երևանի ժամանակով ժամը 19:00-ի սահմաններում, ուղեկցվում է կորոնային զանգվածի արտանետմամբ, որը կարծես թե շարժվում է Երկրի ուղղությամբ: Եթե դա այդպես է, ապա պլազմայի ամպը վաղը և մյուս օրը կհասնի Երկիր։ Ռադիոկապի խափանումներն արդեն նկատվել են, քանի որ դրանք տեղի են ունենում, երբ իոնացնող ճառագայթումը ներթափանցում է Երկրի մթնոլորտ:
Առաջիկա երկու տարիների ընթացքում նման իրադարձությունների ինտենսիվությունն ու հաճախականությունը կավելանան, քանի որ մոտենում ենք արևի 11-ամյա ակտիվության գագաթնակետին: Տեսականորեն այն պետք է տեղի ունենար ավելի շուտ՝ 2025-ի ամռանը, սակայն դիտարկված տվյալները ցույց են տալիս, որ այն այս անգամ կարող է ավելի շուտ տեղի ունենալ՝ 2024 թվականի երկրորդ կեսին:
Մագնիսական փոթորիկներն առաջանում են Արեգակի վրա բռնկումների հետևանքով, որոնք հանգեցնում են պլազմայի արտանետմանը տիեզերք: Պլազմայի այս հոսքը հասնում է Երկրի մակերեսին և փոխազդում մագնիսական դաշտի հետ՝ առաջացնելով մագնիսական փոթորիկներ։
Մագնիսական փոթորիկների ժամանակ եղանակային պայմաններից կախվածություն ունեցող մարդկանց մոտ կարող է նկատվել սթրես, անքնություն, անհարկի անհանգստություն, դյուրագրգռություն և վախի զգացում: Փոթորիկների ազդեցությունն ինքնազգացողության վրա նվազեցնելու համար բժիշկները խորհուրդ են տալիս հետևյալ միջոցները.
Մագնիսական փոթորիկները կարող են բացասաբար ազդել սարքավորումների աշխատանքի վրա, հատկապես նրանց, որոնք կախված են տվյալների ճշգրիտ փոխանցումից և էլեկտրամագնիսական կայունությունից: Այսպիսով, փոթորիկները կարող են առաջացնել ռադիոլոկացիոն սարքավորումների և էլեկտրական սարքերի աշխատանքի անսարքություններ: Որոշ դեպքերում տիեզերական արբանյակները կարող են շարքից դուրս գալ, հնարավոր են նաև խնդիրներ կապի ցանցի հետ:
ամիս
շաբաթ
օր