Հոկտեմբերի 17-ին Դվին դահլիճում (Երևան, Պարոնյան փող․ 40) տեղի կունենա SILICON MOUNTAINS 2023 միջազգային տեխնոլոգիական գագաթնաժողովը` նվիրված Խելացի երկրի մարտահրավերներին։
Արդեն հինգերորդ անգամ անցկացվող միջոցառման կազմակերպիչն է Տեղեկատվական և հաղորդակցության տեխնոլոգիաների գործատուների միությունը:
Միջոցառման հատուկ հյուրերը հանդես կգան շնորհանդեսներով՝
Շանթանու Նարայեն՝ Բարձր տեխնոլոգիական ոլորտում համաշխարհային ներդրման համար ՀՀ պետական մրցանակի 2022թ․ դափնեկիրը և Adobe ընկերության գործադիր տնօրենը,
Ադրիան Բաքլին՝ Siemens EDA, EMEA-ի փոխնախագահը,
Էրիկ Վեդելը՝ Cisco EMEA-ի կիբեռանվտանգության գծով տնօրենը:
Պանելային քննարկումների ժամանակ, որոնք նվիրված են խելացի երկիր, խելացի բիզնես և խելացի քաղաքացի թեմաներին, ոլորտային ղեկավարները (decision maker), տեղական և միջազգային փորձագետները, Հայաստանի, ԱՄՆ և Մեծ Բրիտանիայի պաշտոնյանները կկիսվեն Խելացի երկիր ստեղծելու իրենց փորձով, տեսլականով և մարտահրավերներով։
Միջոցառման օրակարգին և խոսնակներին կարող եք ծանոթանալ հետևյալ հղումով։
Գագաթնաժողովի պլատինե գործընկերն է Ucom-ը՝ Հայաստանի հեռահաղորդակցության խոշորագույն ընկերություններից մեկը։ Գործընկերներն են՝ Adobe, Synopsys, HPE, Visa, Viasphere Technopark և Unicomp ընկերությունները:
Գագաթնաժողովին մասնակցելու համար կարող եք անցնել հետևյալ հղումով։ Մասնակցությունը գագաթաժողովին անվճար է։
Հավելյալ տեղեկատվության համար կարող եք գրել ([email protected]) կամ զանգահարել (Հեռ․՝ +37491320190) ՏՀՏ Գործատուների Միություն:
ամիս
շաբաթ
օր