Պատմության մեջ 500 լավագույն տեսախաղերի ցանկը՝ հիմնված «մաթեմատիկական եզրակացությունների» վրա

IGN խաղային պորտալում հայտնվել են բոլոր ժամանակների լավագույն 500 խաղերը՝ հիմնված «մաթեմատիկական եզրակացությունների» վրա։

Առաջին տեղը զբաղեցրել է The Legend of Zelda: Breath of the Wild-ը: Երկրորդ տեղում է Tetris-ը Nintendo-ի Game Boy կոնսոլի համար: Երրորդ տեղը զբաղեցրել է The Last of Us-ը:

Չորրորդ և հինգերորդ տեղերը զբաղեցրել են The Legend of Zelda։ Ocarina of Time-ը և Half-Life 2-ը:

Նշենք, որ այս ցուցակը IGN-ի պաշտոնական ցանկը չէ, այն հրապարակել է RuFiOoo մականունով մի օգտատեր: Որպես հիմք նա վերցրել է վերջին 30 տարվա ընթացքում «Բոլոր ժամանակների լավագույն խաղերի» 80 ցուցակ, որոնք պետք է բաղկացած լինեին առնվազն 50 նախագծերից։

RuFiOoo-ն վերլուծել է տվյալները և  հաշվարկել յուրաքանչյուր խաղի միջին միավորները: Որոշ խաղեր նաև ստացել են բոնուսային միավորներ որոշակի ձեռքբերումների համար, այդ թվում՝ տարբեր վարկանիշային աղյուսակների լավագույն տասնյակում հայտնվելու համար:

Ավելի թարմ ցուցակների խաղերն ստացել են ավելի բարձր միավորներ, քանի որ RuFiOoo-ի կարծիքով, հիմա յուրաքանչյուր խաղի համար ավելի դժվար է դարձել հայտնվել  ավելի ժամանակակից վարկանիշային աղյուսակներում, քան նախկինում: Խաղի միջին վարկանիշը նույնպես բազմապատկվել է ցուցակներում ու վարկանիշային աղյուսակների լավագույն հորիզոնականներում հայտնվելու քանակով։

Ըստ RuFiOoo-ի՝ որոշ ժամանակակից խաղեր չեն դիտարկվել, քանի որ դրանց թողարկումից շատ քիչ ժամանակ է անցել։ Սակայն նա խոստացել է հետագայում պարբերաբար թարմացնել իր ցուցակը։

Լավագույն տասնյակ են ներառվել նաև այնպիսի նախագծեր, ինչպիսիք են.

• Super Mario 64,
• The Legend of Zelda: A Link to the Past,
• The Witcher 3: Wild Hunt,
• Resident Evil 4 (2005),
• Grand Theft Auto 5.

Լավագույն 20 խաղերի ցուցակում ներառվել են նաև.

• BioShock,
• Super Metroid,
• Super Mario World,
• Mass Effect 2 (первая и третья игры этой серии также попали в топ),
• Portal 2,
• Shadow of the Colossus (2005),
• Street Fighter 2: The World Warrior,
• Doom (1993),
• Minecraft,
• Final Fantasy 7 (1997).

Լավագույն հորիզոնականներում ներառվել են նաև այնպիսի խաղեր, ինչպիսիք են Boodborne-ը, Dark Souls-ը, Nier Automata-ն, God of War-ը, Red Dead Redemption 2-ն, Silent Hill 2-ն, Mario I Tomb Rider-ը, Baldur's Gate 2-ն, Dishonored 2-ն, Life is Strange-ը, Dragon Age-ը, Fable-ը և այլ խաղեր: