20 կմ պիքսելում․ Inouye աստղադիտակը Արեգակի անհավանական մանրամասն լուսանկարներ է արել

23 մայիսի, 2023 22:02

ԱՄՆ Ազգային գիտական հիմնադրամը ներկայացրել է Արեգակի լուսանկարների շարք, որոնք արվել են Դենիել Կ․ Ինոուեի անվան արեգակնային աստղադիտակով (Daniel K. Inouye Solar Telescope, DKIST)։

Լուսանկարում պատկերված յուրաքանչյուր պիքսելը համապատասխանում է Արեգակի մակերեսի 20 կմ-ին։ Սրանք մեր աստղի ամենամանրամասն պատկերներն են։ Քանի որ գիտությունն այդքան էլ լավ պատկերացում ունի Արեգակի վրա տեղի ունեցող գործընթացների մասին, յուրաքանչյուր այսպիսի լուսանկար ճանապարհ է դեպի զարմանալի բացահայտումներ:

Ինչպես տեղեակցնում է Scitechdaily.com-ը, ընդհանուր առմամբ, գիտնականները համաձայն են, որ Արեգակի և աստղերի «աշխատանքի» հիմքում ընկած են քվանտային ֆիզիկայի օրենքները։ Քվանտային մեխանիկական երևույթների հավանական բնույթը աստղերի ներսում ջերմամիջուկային ռեակցիաներին թույլ է տալիս դանդաղ և կայուն ընթանալ։ Հակառակ տարածված կարծիքի, աստղերի միջուկում միայն վիթխարի ճնշումը և ջերմաստիճանը բավարար չեն ջերմամիջուկային ռեակցիա առաջացնելու համար: Ջրածնի պրոտոնների համար անհրաժեշտ է քվանտային անցում, որպեսզի հաղթահարեն էլեկտրամագնիսական վանումը և մոտենան միմյանց, նախքան ուժեղ փոխազդեցությունների սկիզբը:

Բայց այդ ամենը չափազանց բարդ ֆիզիկա է: Արեգակի մանրամասն դետալներով լուսանկարները հնարավորություն են տալիս ավելի ճշգրիտ ներկայացնել մեր աստղի վրա կոնվեկտիվ գործընթացների մոդելը և առավելագույն ճշգրտությամբ հետևել մագնիսական դաշտերի միգրացիային:

Inouye աստղադիտակը, ինչպես ցույց են տալիս դրա ստացած առաջին պատկերները, կարող է օգնել բացահայտելու Արեգակի ցիկլային ակտիվությունը և նրա մագնիսական բևեռների պարբերական փոփոխության առեղծվածը: Դասական ֆիզիկան կարող է օգնել դրան, և աստղադիտակի տվյալները գիտնականների համար կդառնան ամենաարժեքավոր օգնությունն այս հարցում:

Ի վերջո, այս լուսանկարները, որոնք կարող եք դիտել ստորև, պարզապես գեղեցիկ են:

sun 1.JPG (81 KB)