Ո՞ր խաղերի պատճառով են մարդիկ հաճախ կոտրում հեռախոսներն ու վնասում տան պատերը

Համակարգչային խաղեր խաղացող մարդիկ երբեմն մոռանում են աշխարհում ամեն ինչի մասին և զայրույթի պահին կարող են կոտրել հեռախոսը, տան պատերը, առաստաղը կամ որևէ այլ բան: Ամենից հաճախ դա տեղի է ունենում Call of Duty առաջին դեմքից շութեր շարքի խաղեր խաղացողների հետ:

Ինչպես պարզել է Compare The Market-ի հետազոտությունը, Call of Duty խաղացողների ավելի քան 33%-ը խոստովանել է, որ խաղալիս պատահաբար տանն ինչ-որ բան կոտրել կամ վնասել է:

Երկրորդ տեղն զբաղեցրել է Fortnite օնլայն խաղը՝ 29%-ից մի փոքր ավելի: Grand Theft Auto-ն և Mario Kart-ը նույնպես հայտնվել են ցուցակում, սակայն դրանց փոխարեն երրորդ տեղում հայտնվել են փակ տարածությունում գնդակով խաղերը։ Այս խաղերի դեպքում գույքային վնաս է պատճառել հարցվածների 25,6%-ը։

Հետազոտությունը նաև պարզել է, որ խաղերի հետևանքով առաջացած ինտերիերի վնասը վերականգնելու համար անհրաժեշտ է լինում միջինը 477,34 դոլար՝ մոտավորապես այնքան, որքան ԱՄՆ-ում PlayStation 5 տեսախաղի կոնսոլի գինն է։

Հարցումը նաև ցույց է տվել, որ շատ հաճախ գեյմերները վնասում են նոութբուքները՝ դրանց վրա պատահաբար խմիչքներ թափելով։ Շատերի մոտ նաև անցքեր են գոյանում պատերին, առաստաղին կամ հատակին հիմնականում այդ ուղղությամբ որևէ առարկա նետելու հետևանքով։