Նախընտրելի
OnePlus ընկերությունը հայտարարել է, որ OnePlus 11 ֆլագմանային սմարթֆոնը վաճառքի ռեկորդ է սահմանել Qualcomm Snapdragon Gen 2 չիպով աշխատող բոլոր մոդելների մեջ:
Ընկերությունը տեղեկացրել է, որ վաճառքի առաջին օրը ընդամենը 51 րոպեում վաճառվել է ավելի շատ OnePlus 11 սմարթֆոն, քան Qualcomm Snapdragon Gen 2 չիպով աշխատող նախկինում թողարկված 8 մոդելներից յուրաքանչյուրի դեպքում:
Հրապարակվել են նաև OnePlus 11-ի Sony IMX709 սենսորով արված լուսանկարներ։ Արտադրողը պնդում է, որ Hasselblad տեսախցիկը և արհեստական բանականության ալգորիթմը թույլ են տալիս դիմանկարներ անելիս հետևի ֆոնի ծայրահեղ բնական մշուշոտ պատկեր ստանալ։
Արտադրողը պնդում է, որ ColorOS ինտերֆեյսը և հիշողության ամբողջությամբ վերափոխված ենթահամակարգը սմարթֆոնին հնարավորություն են տալիս աշխատել նույնքան սահուն ինչպես թողարկման պահին, այնպես էլ դրանից չորս տարի անց:
OnePlus 11-ն առաջինն է, որն ստացել է LTPO 3.0 տեխնոլոգիայով աշխատող էկրան, որը պատասխանատու է պատկերի սահուն և արագ թարմացման համար՝ 1-ից մինչև 120 Հց։ OnePlus China ընկերության նախագահ Լի Ջիեն ասել է, որ OnePlus 11-ն ունի այս ինդուստրիայում ամենասահուն աշխատող էկրանը։
OnePlus 11-ի բազային տարբերակն ստացել է 12 ԳԲ օպերատիվ և 256 ԳԲ ներկառուցված հիշողություն։ Սմարթֆոնն արժե 580 դոլար։
