Նախընտրելի
Ռուսական «Պալաչ» կայքը կազմել է 10 սմարթֆոնների ընտրանին, որոնք գնելն օգոստոսին շատ շահավետ կլինի (Ռուսաստանում)։
Ցուցակը բացում է Infinix Note 30-ը, որի գինը 11,700 ռուբլի է (մոտ 125 դոլար), որն առաջարկում է IPS էկրան՝ Full HD կետայնությամբ, 120 Հց հաճախությամբ, իր հատվածի համար բավականին հզոր չիպ՝ MediaTek Helio G99, 64 ՄՊ տեսախցիկ, JBL ստերեո բարձրախոսներ և 5000 մԱ/ժ մարտկոց՝ 45 Վտ արագ լիցքավորման աջակցությամբ:
Նրան հաջորդում է Poco M6 Pro-ն՝ 64, 8 և 2 մեգապիքսել եռակի տեսախցիկով, 120 Հց հաճախությամբ վառ AMOLED էկրանով և 8/256 ԳԲ հիշողությամբ՝ հիմնական կոնֆիգուրացիայով։ Շուկաներում այս մոդելն առաջարկվում է 15,000 ռուբլի գնով (մոտ 160 դոլար):
Samsung Galaxy A34-ը, որի գինն սկսվում է 19,700 ռուբլուց (211 դոլար), առաջարկում է ջրից և փոշուց պաշտպանություն՝ ըստ IP67 ստանդարտի, ունի հզոր MediaTek Dimensity 1080 չիպ և եռակի տեսախցիկ՝ 48, 8 և 5 մեգապիքսել:
Չորրորդ տեղը զբաղեցրել է Poco X6 Pro-ն, որը ստացել է հզոր Dimensity 8300 Ultra չիպ և առաջատար UFS 4.0 հիշողություն, վառ AMOLED էկրան՝ 1.5K կետայնությամբ և 120 Հց հաճախությամբ, 8/256 ԳԲ հիշողություն, ստերեո բարձրախոսներ և 5000 մԱ/ժ հզորության մարտկոց՝ 67 վտ լիցքավորման աջակցությամբ: Այս մոդելի արժեքն սկսվում է 25,500 ռուբլուց (273 դոլար):
Redmi Note 13 Pro+-ը հագեցած է 120 Հց հաճախությամբ կոր OLED մատրիցայով՝ 1800 նիտ բարձր առավելագույն պայծառությամբ, հավասարակշռված Dimensity 7200 Ultra պրոցեսորով, 200, 8 և 2 ՄՊ տեսախցիկներով, ստերեո բարձրախոսներով և 5000 մԱ/ժ հզորությամբ մարտկոցով՝ 120 Վտ լիցքավորմամբ: Սմարթֆոնն առաջարկում է նաև պաշտպանություն ջրից և փոշուց՝ IP68 ստանդարտի համաձայն։ Գինն սկսվում է 26,700 ռուբլուց (մոտ 286 դոլար)։
Ցանկում ներառվել են նաև Tecno Camon 30 Pro, Realme GT 6T, Huawei P60, Realme GT 6 և iPhone 15 սմարթֆոնները:
