Նախընտրելի
Բրիտանական Nothing ընկերությունը շուտով կներկայացնի իր Nothing Phone (2a) Plus սմարթֆոնի նոր մոդելը։ Այս մասին ընկերությունն այսօր հայտնել է X սոցիալական ցանցի իր էջում՝ տեղադրելով «Plus. More. Extra» կարգախոսը: Նոր արտադրանքի շնորհանդեսը տեղի կունենա հուլիսի 31-ին
Հիմնական բնութագրեր
Ինչպես նշում է GSMArena-ն, նոր մոդելը, մասնագետների կարծիքով, բնութագրերով կլինի գրեթե նույնը, ինչ մարտին թողարկված Nothing Phone (2a) սմարթֆոնը, սակայն կունենա ավելի մեծ էկրան։ Նախկինում տեղեկություն էր հայտնվել, որ նոր Nothing սմարթֆոնը հիշատակվել է սերտիֆիկացման մի քանի կայքերում, սակայն դրա տեխնիկական բնութագրի վերաբերյալ կոնկրետ տվյալներ չկան։
Nothing Phone-ը (2a)-ի հիմնական տարբերակն ունի հետևյալ բնութագրերը.
- Էկրան՝ 6,8 դյույմանոց AMOLED՝ 2412 x 1084 պիքսել կետայնությամբ և մինչև 120 Հց թարմացման հաճախությամբ,
- Պրոցեսոր՝ MediaTek Dimensity 7200 Pro,
- Հիմնական տեսախցիկ՝ 50 Մպ երկու սենսոր,
- Առջևի տեսախցիկ՝ 32 Մպ։
Ենթադրվում է, որ նոր Nothing Phone (2a) Plus սմարթֆոնը կպահպանի այս հատկանիշները, սակայն կստանա ավելի մեծ էկրան։ Ճիշտ է, դրա կոնկրետ չափերի մասին դեռ տեղեկություններ չկան։ Ակնկալվում է, որ այս նորամուծությունն այն ավելի գրավիչ կդարձնի այն օգտատերերի համար, որոնք նախընտրում են ավելի մեծ էկրանով սարքեր:
