Նախընտրելի
Xiaomi-ն հայտարարել է, որ կթողարկի Redmi K70 Ultra առաջատար սմարթֆոնի Lamborghini Edition տարբերակը, այս մասին տեղեկացնում է iXBT կայքը։
Սպասվում է, որ Redmi K70 Ultra-ի բազային մոդելի և սմարթֆոնի «մրցարշավային» տարբերակի շնորհանդեսը տեղի կունենա 2024-ի հուլիսի 19-ին Xiaomi-ի մեծ միջոցառման ժամանակ։ Սակայն ընկերությունը որոշել է մինչև շնորհանդեսը պաշտոնապես ցուցադրել սարքը։
Սմարթֆոնը կստանա յուրահատուկ դիզայն՝ ոգեշնչված Lamborghini Huracan Super Trofeo EVO2 սուպերքարից։ Redmi K70 Ultra-ի այս տարբերակը հասանելի կլինի երկու գույնով՝ կանաչ և նարնջագույն: Սարքի հետևի վահանակը զարդարված է Lamborghini-ի տարբերանշանով և ունի տեսախցիկի հատվածի անսովոր ձև։
Սարքի հետ տրվում է մեքենայի ոճի մեջ պատրաստված պատյան, լիցքավորիչ և այլ պարագաներ։ Հայտնի է, որ Redmi K70 Ultra-ն կստանա MediaTek Dimensity 9300+ չիպ, OLED էկրան՝ 1.5K կետայնությամբ և 144 Հց թարմացման արագությամբ, հիմնական տեսախցիկ՝ 50 Մպ Sony IMX906 սենսորով, 5500 մԱ/ժ մարտկոց՝ 120 Վտ արագ լիցքավորման աջակցությամբ, ինչպես նաև պաշտպանություն ջրից և փոշուց՝ համաձայն IP68 ստանդարտի:
Սա արդեն երկրորդ համագործակցությունն է Xiaomi-ի և Lamborghini-ի միջև. 2023-ի վերջին տեղի ունեցած առաջին համագործակցության արդյունքում թողարկվեց Redmi K70 Pro Lamborghini Edition-ը, որը վաճառվեց 4,600 յուանով (մոտ 627 դոլար):
